ଭାରତକୁ ବିଶ୍ୱ ସ୍ୱାସ୍ଥ୍ୟ ସଂଗଠନର ପ୍ରଶଂସା

ଜେନେଭା : କୋଭିଡ -୧୯ ମହାମାରୀକୁ ନିୟନ୍ତ୍ରଣ କରିବା ପାଇଁ ଭାରତ ସରକାର ଗ୍ରହଣ କରିଥିବା ପଦକ୍ଷେପକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରଶଂସା କରି କହିଛି ଯେ ବର୍ତ୍ତମାନ ଭାରତରେ ଏହି ରୋଗରେ ଗୁଣାତ୍ମକ ବୃଦ୍ଧି ଘଟୁନାହିଁ, କିନ୍ତୁ ଏହା ହେବାର ଆଶଙ୍କା ରହିଛି ଏବଂ ତେଣୁ ବର୍ତ୍ତମାନଠାରୁ ସମ୍ପୂର୍ଣ୍ଣ ସତର୍କତା ଅବଲମ୍ବନ କରିବା ଆବଶ୍ୟକ ଭାରତ, ବାଂଲାଦେଶ, ପାକିସ୍ଥାନ ଏବଂ ଦକ୍ଷିଣ ଏସିଆର ଅଧିକ ଜନବହୁଳ ଦେଶ, ବର୍ତ୍ତମାନ ସୁଦ୍ଧା ମହାମାରୀ ପରିସ୍ଥିତି ଏହି ଦେଶ ମାନଙ୍କରେ ବିସ୍ଫୋରକ ହୋଇ ନାହିଁ, କିନ୍ତୁ ଏହା ହେବାର ଆଶଙ୍କାକୁ ଖାରଜ ମଧ୍ୟ କରାଯାଇ ପାରିବ ନାହିଁ । ବିଶ୍ୱ ସ୍ୱାସ୍ଥ୍ୟ ସଂଗଠନର ସ୍ୱାସ୍ଥ୍ୟ ବିପର୍ଯ୍ୟୟ କାର୍ଯ୍ୟକ୍ରମର କାର୍ଯ୍ୟର୍ନିବାହୀ ନିର୍ଦ୍ଦେଶକ ଡ. ମାଇକେଲ ଜେ ରେୟାନ କୋଭିଡ-୧୯ ଉପରେ ନିୟମିତ ସାମ୍ବାଦିକ ସମ୍ମିଳନୀରେ ରିୟାନ କହିଛନ୍ତି ଯେ ତିନି ସପ୍ତାହ ମଧ୍ୟରେ ଭାରତରେ ମାମଲା ଦ୍ୱିଗୁଣିତ ହେଉଛି । ତେବେ ଗୁଣାତ୍ମକ ଭାବରେ ବର୍ତ୍ତମାନ ସୁଦ୍ଧା ବୃଦ୍ଧି ପାଉନାହିଁ, କିନ୍ତୁ ମାମଲା କ୍ରମାଗତ ଭାବେ ବୃଦ୍ଧି ପାଉଛି । ସେ ଚେତାବନୀ ଦେଇଛନ୍ତି ଯେ ଯଦି କରୋନା ସଂକ୍ରମଣ ସମ୍ପ୍ରଦାୟ ସ୍ତରରେ ଆରମ୍ଭ ହୁଏ, ତେବେ ଏହା ବହୁତ ଶୀଘ୍ର ବ୍ୟାପିଯିବ । ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ଦେଶରେ ରୋଗ ବିସ୍ତାରକୁ ସୀମିତ କରିବାରେ ଭାରତ ଗ୍ରହଣ କରିଥିବା ପଦକ୍ଷେପ ପ୍ରଭାବଶାଳୀ ହୋଇଛି । ବର୍ତ୍ତମାନ ଯେହେତୁ ପ୍ରତିବନ୍ଧକକୁ କୋହଳ ଦିଆଯାଉଛି ଏବଂ ଲୋକଙ୍କ ଗତିବିଧି ପୁଣି ଆରମ୍ଭ ହୋଇଛି, ତେଣୁ ପୁଣି ଥରେ ବିପଦ ଦେଖାଦେଇପାରେ । ଦେଶରେ ଅନେକ ସ୍ଥାନୀୟ କାରଣ ଅଛି – ଦେଶ ମଧ୍ୟରେ ବହୁ ସଂଖ୍ୟକ ବିସ୍ଥାପନ ଅଛି, ସହରୀ ପରିବେଶ ଘନ ଜନବହୁଳ ଏବଂ ଅନେକ ଶ୍ରମିକ ପ୍ରତିଦିନ କାମ କରିବାକୁ ଯିବା ଛଡା ଅନ୍ୟ କୌଣସି ବିକଳ୍ପ ନାହିଁ । ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖ୍ୟ ବୈଜ୍ଞାନିକ ଡ଼ଃ ସୌମ୍ୟା ସ୍ୱାମୀନାଥନ କହିଛନ୍ତି ଯେ ଭାରତରେ ଦୁଇ ଲକ୍ଷରୁ ଅଧିକ ମାମଲା ରହିଛି । ଯଦିଓ ଏହି ସଂଖ୍ୟା ବହୁତ ବଡ ମନେହୁଏ, କିନ୍ତୁ ୧୩୦ କୋଟି ଜନସଂଖ୍ୟା ବିଶିଷ୍ଟ ଦେଶ ଅନୁଯାୟୀ, ଏହା ଏପର୍ଯ୍ୟନ୍ତ ଅଧିକ ନୁହେଁ ସଂକ୍ରମଣର ବୃଦ୍ଧି ହାର ଏବଂ ଦ୍ୱିଗୁଣିତ ହେବାର ହାର ଉପରେ ନଜର ରଖିବା ଜରୁରୀ ଅଟେ । ଏହା ନିଶ୍ଚିତ କରିବ ଯେ ପରିସ୍ଥିତି ଖରାପ ନହୁଏ । ସେ କହିଛନ୍ତି ଯେ ଭାରତ ଏକ ବିବିଧତା ପରିପୂର୍ଣ୍ଣ ଦେଶ ଅଟେ । ଗୋଟିଏ ପଟେ ସହରଗୁଡିକରେ ବହୁତ ଘନ ଜନସଂଖ୍ୟା ଥିବାବେଳେ, ଅନ୍ୟ ପଟେ ଗ୍ରାମାଞ୍ଚଳରେ ଜନସଂଖ୍ୟାର ଘନତା ବହୁତ କମ୍ ଅଟେ ସ୍ୱାସ୍ଥ୍ୟ ବ୍ୟବସ୍ଥା ପ୍ରତ୍ୟେକ ରାଜ୍ୟରେ ଭିତ୍ତ ଭିନ୍ନ ଅଟେ । ଏହି ସମସ୍ତ କାରଣ ପାଇଁ କୋଭିଡ୍ -୧୯ କୁ ନିୟନ୍ତ୍ରଣ କରିବା ଏକ ଚ୍ୟାଲେଞ୍ଜ ଅଟେ ଲକଡାଉନ୍ ଏବଂ ପ୍ରତିବନ୍ଧକଗୁଡିକ କୋହଳ ସହିତ, ପର୍ଯ୍ୟାପ୍ତ ସତର୍କତା ଅବଲମ୍ବନ କରାଯିବା ଆବଶ୍ୟକ ଏବଂ ଯେଭଳି ଲୋକମାନେ ଏହାକୁ ଗୁରୁତ୍ୱର ସହ ଗ୍ରହଣ କରିବା ଆବଶ୍ୟକ । ଯଦି ଲୋକଙ୍କ ମନ ମଧ୍ୟରେ ଏକ ବଡ ପରିବର୍ତ୍ତନ ଆଣିବାକୁ ଆମେ ଚେଷ୍ଟା କରିବା ତେବେ ଏହା ପୂର୍ବରୁ ଆମେ ସେମାନଙ୍କୁ ବୁଝାଇବା ଆବଶ୍ୟକ ଡ଼ଃ ସୌମ୍ୟା ସ୍ୱାମୀନାଥନ କହିଛନ୍ତି ଯେ ଦେଶର ଅନେକ ସହରାଞ୍ଚଳରେ ସାମାଜିକ ଦୂରତା ସମ୍ଭବ ନୁହେଁ । ତେଣୁ ଏହା ଜରୁରୀ ଯେ ଲୋକମାନେ ମୁହଁକୁ ମାସ୍କ ଦ୍ୱାରା ଆଚ୍ଛାଦନ କରି ବାହାରକୁ ଯାଆନ୍ତି ଅଫିସ୍, ସାଧାରଣ ପରିବହନ ସମୟରେ ଏବଂ ଶିକ୍ଷାନୁଷ୍ଠାନଗୁଡିକରେ ସାମାଜିକ ଦୂରତା ପାଳନ କରାଯାଇପାରିବ ନାହିଁ । ତେଣୁ ସେହି ସ୍ଥାନ ମାନଙ୍କରେ ମଧ୍ୟ ମୁହଁରେ ମାସ୍କ ପିନ୍ଧନ୍ତୁ ପ୍ରତ୍ୟେକ ଅନୁଷ୍ଠାନ, ସଂଗଠନ ଏବଂ ଶିଳ୍ପସଂସ୍ଥା କାର୍ଯ୍ୟ ଆରମ୍ଭ କରିବା ପୂର୍ବରୁ କ’ଣ ସତର୍କତା ଅବଲମ୍ବନ କରିବା ଆବଶ୍ୟକ ତାହା ବି·ର କରିବା ଉଚିତ୍ ।

Leave a Reply

Your email address will not be published. Required fields are marked *