ନୂଆଦିଲ୍ଲୀ, ୧୭ ।୮: ଏନ୍ଇଇଟି ଏବଂ ଜେଇଇ ପରୀକ୍ଷା କରିବା ବିରୋଧରେ ଦାଖଲ ହୋଇଥିବା ଆବେଦନକୁ ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି । ଏହା ସହିତ ପରୀକ୍ଷାକୁ ଅନୁମୋଦନ କରାଯାଇଛି । ଜଷ୍ଟିସ ଅରୁଣ ମିଶ୍ରଙ୍କ ଏକ ବେଞ୍ଚ ମେଡିକାଲ ପ୍ରବେଶିକା ପରୀକ୍ଷା ଏନ୍ଇଇଟି ଏବଂ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ଜେଇଇ ମେନ୍ସକୁ ସ୍ଥଗିତ ରଖିବା ଆବେଦନକୁ ଖାରଜ କରିଦେଇଛନ୍ତି । ଏହି ଆବେଦନକୁ ଖାରଜ କରି ସୁପ୍ରିମକୋର୍ଟଙ୍କ ବେଞ୍ଚ ପ୍ରଶ୍ନ କରିଛି ଯେ ଦେଶର କ’ଣ ସବୁକିଛି ବନ୍ଦ କରାଯିବା ଉଚିତ କି? କାହିଁକି ଏପରି ମୂଲ୍ୟବାନ ବର୍ଷ ନଷ୍ଟ ହେବା ଉଚିତ୍? କୋଭିଡ -୧୯ ସଂକ୍ରମଣର ବୃଦ୍ଧି ହେତୁ ସେପ୍ଟେମ୍ବରରେ ପ୍ରସ୍ତାବିତ ଜେଇଇ ମେନ୍ ଏବଂ ଏନ୍ଇଇଟି ୟୁଜି ପରୀକ୍ଷାକୁ ସ୍ଥଗିତ ରଖିବାକୁ ଆବେଦନ କରାଯାଇଥିଲା । ଜଷ୍ଟିସ ଅରୁଣ ମିଶ୍ରଙ୍କ ନେତୃତ୍ୱରେ ସୁପ୍ରିମକୋର୍ଟର ଏକ ବେଞ୍ଚ ଏହି ମାମଲାର ଶୁଣାଣି କରୁଛି । ସୂଚନାଯୋଗ୍ୟ ଯେ ଜେଇଇ ପରୀକ୍ଷା ସେପ୍ଟେମ୍ବର ୧ରୁ ସେପ୍ଟେମ୍ବର ୬ ପର୍ଯ୍ୟନ୍ତ ଅନୁଷ୍ଠିତ ହେବ । ଏଥି ସହିତ, ଏନ୍ଇଇଟି ପରୀକ୍ଷା ୧୩ ସେପ୍ଟେମ୍ବରରେ ହେବାକୁ ଯୋଜନା କରାଯାଇଛି । ୧୧ ଟି ରାଜ୍ୟର ୧୧ ଜଣ ଛାତ୍ର ଏହି ପରୀକ୍ଷା ସ୍ଥଗିତ ରଖିବାକୁ ଅନୁରୋଧ କରି ସୁପ୍ରିମକୋର୍ଟରେ ଏକ ଆବେଦନ କରିଥିଲେ । ଗତ ମାସରୁ ଏହି ପରୀକ୍ଷା ସ୍ଥଗିତ ରଖିବାକୁ ଦାବି ·ଲିଛି । ଜୁଲାଇ ପ୍ରଥମ ସପ୍ତାହରେ, ସାରା ଦେଶରେ ଛାତ୍ରମାନେ ୰କ୍ସସକ୍ଟ୍ର ଦ୍ଭଗ୍ଧବ ସହିତ ସୋସିଆଲ ମିଡିଆରେ ପ୍ର·ର କରିଥିଲେ । ଛାତ୍ରମାନେ ଯୁକ୍ତି କରିଥିଳେ ଯେ ଏଭଳି କଠିନ ସମୟରେ ଯେତେବେଳେ ମହାମାରୀ ଶିଖରରେ ଅଛି, ଯଦି ଏପରି ପରୀକ୍ଷା କରାଯାଏ ଏବଂ ସେମାନଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡ଼େ ତେବେ ଏଥିପାଇଁ କିଏ ଦାୟୀ ରହିବ?
