ଆଲର୍ଟରେ ୟୁପି
ବଳରାମପୁର ଅଭିମୁଖେ ବାହାରିଲା ଏଟିଏସ୍
ନୂଆଦିଲ୍ଲୀ : ଦିଲ୍ଲୀରେ ଆଇଏସ୍ ଆତଙ୍କବାଦୀ ସନ୍ଦିଗ୍ଧ ଆବୁ ୟୁସୁଫଙ୍କୁ ଗିରଫ କରାଯିବା ପରେ ଉତ୍ତରପ୍ରଦେଶକୁ ସତର୍କ କରାଯାଇଛି । ମହାନିର୍ଦ୍ଦେଶକ ପୋଲିସ (ଡିଜିପି) ହିତେଶ ଚନ୍ଦ୍ର ଅବସ୍ତି ସାରା ରାଜ୍ୟରେ ଅତିରିକ୍ତ ସୁରକ୍ଷା ବ୍ୟବସ୍ଥା ବଢ଼ାଇବାକୁ ନିର୍ଦ୍ଦେଶ ଦେଇଛନ୍ତି । ସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରିବା ପାଇଁ ପ୍ରତ୍ୟେକ ଜିଲ୍ଲାର ପୋଲିସ କ୍ୟାପଟେନଙ୍କୁ ନିର୍ଦ୍ଦେଶ ଦିଆଯାଇଛି ।
ଏଡିଜି (ଲ’ ଆଣ୍ଡ ଅର୍ଡର) ପ୍ରଶାନ୍ତ କୁମାର କହିଛନ୍ତି ଯେ ଦିଲ୍ଲୀରେ ଆଇଇଡି ସହ ଜଣେ ବ୍ୟକ୍ତିଙ୍କୁ ଗିରଫ କରାଯିବା ପରେ ୟୁପିରେ ମଧ୍ୟ ସଜାଗ ରହିବାକୁ ନିର୍ଦ୍ଦେଶ ଦିଆଯାଇଛି । ପୋଲିସ ମହାନିର୍ଦ୍ଦେଶକ (ଡିଜିପି) ସମସ୍ତ କ୍ଷେତ୍ର ଅଧିକାରୀଙ୍କୁ ଏହି ପ୍ରସଙ୍ଗରେ ସମସ୍ତ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି । ୟୁପି ଏଟିଏସ୍ ଦିଲ୍ଲୀ ପୋଲିସ୍ ସ୍ପେଶାଲ୍ ସେଲ୍ ସହିତ ଯୋଗାଯୋଗରେ ଅଛି । ଇଣ୍ଟେଲିଜେନ୍ସ ବ୍ୟୁରୋର ଅଧିକାରୀ, ମିଲଟ୍ରି ଇଣ୍ଟେଲିଜେନ୍ସ ଲୋଧି କଲୋନୀ ସ୍ପେଶାଲ ସେଲ ଅଫିସରେ ଆତଙ୍କବାଦୀଙ୍କୁ ପଚରାଉଚରା କରାଯାଉଛି । ଏହା ସହ ୟୁପି ଏଟିଏସର ଏକ ଟିମ୍ ବଳରାମପୁର ଅଭିମୁଖେ ଯାଉଛନ୍ତି । କୁହାଯାଉଛି ଯେ ଏଟିଏସ୍ ଟିମ୍ କିଛି ବିଭିନ୍ନ ସ୍ଥାନରେ ଚଢ଼ାଉ କରିପାରନ୍ତି । ଗିରଫ ଆତଙ୍କବାଦୀ ଆବୁ ୟୁସୁଫକୁ ପଚରାଉଚରା କରାଯାଉଛି । ଦିଲ୍ଲୀ ପୋଲିସ, ୟୁପି ଏଟିଏସ୍ ଏବଂ କେନ୍ଦ୍ରୀୟ ଏଜେନ୍ସିର ଟିମ୍ ତଦନ୍ତ କରୁଛନ୍ତି । ସେମାନେ କେବେ ଏବଂ କେଉଁଠାରେ ରହିଥିଲେ ତାହା ଜାଣିବାକୁ ଚେଷ୍ଟା କରାଯାଉଛି । ଆଇଇଡି କେଉଁଠୁ ଆସିଲା, ଦିଲ୍ଲୀରେ କିଏ ଯୋଗାଯୋଗ କରୁଥିଲେ ଏବଂ ସେଠାରେ କେତେ ସାଥୀ ଥିଲେ, ପ୍ରଶିକ୍ଷଣ କେବେ ଏବଂ କେଉଁଠାରେ ନେଇଥିଲେ ତାହାକୁ ନେଇ ପଚରାଉଚୁରା ଜାରି ରହିଛି ।
