ସୀମା ବିବାଦ ମଧ୍ୟରେ ଲଦାଖରୁ ଦାର୍ଚା ପର୍ଯ୍ୟନ୍ତ ୨୯୦ କିମି ଲମ୍ବା ରାସ୍ତା ନିର୍ମାଣ କରୁଛି ଭାରତ

0 54

ନୂଆଦିଲ୍ଲୀ: ଚୀନ୍ ସହ ସୀମା ବିବାଦ ମଧ୍ୟରେ ଭାରତ ହିମାଚଳ ପ୍ରଦେଶର ଦାର୍ଚାରୁ ଲଦାଖକୁ ସଂଯୋଗ କରୁଥିବା ରଣନୀତିକ ମାର୍ଗରେ କାର୍ଯ୍ୟ ତ୍ୱରାନ୍ୱିତ କରିଛି । ସୂତ୍ରରୁ ପ୍ରକାଶ ଯେ ଲଦାଖ ଅଞ୍ଚଳର ସୀମାନ୍ତ ବେସରେ ସୈନ୍ୟ ତଥା ଭାରୀ ଅସ୍ତ୍ରଶସ୍ତ୍ର ଚଳାଇବା ପାଇଁ ଏହି ୨୯୦ କିଲୋମିଟର ଲମ୍ବା ରାସ୍ତା ଗୁରୁତ୍ୱପୂର୍ଣ୍ଣ ହେବ ଏବଂ କାର୍ଗିଲ ଅଞ୍ଚଳକୁ ଗୁରୁତ୍ୱପୂର୍ଣ୍ଣ ମାର୍ଗ ଯୋଗାଇବ । ମନାଲି-ଲେହ ରାସ୍ତା ଏବଂ ଶ୍ରୀନଗର-ଲେହ ରାଜପଥ ପରେ ଏହା ଲଦାଖକୁ ତୃତୀୟ ମାର୍ଗ ହେବ । ଜଣେ ଅଧିକାରୀ ନାମ ଗୋପନ ରଖି କହିଛନ୍ତି ଯେ ହିମାଚଳ ପ୍ରଦେଶରୁ ଲଦାଖ ପର୍ଯ୍ୟନ୍ତ ଏକ ବିକଳ୍ପ ମାର୍ଗ ଖୋଲିବା କାର୍ଯ୍ୟ ତ୍ୱରାନ୍ୱିତ ହୋଇଛି । କାରଣ ଏହା ରଣନୈତିକ ଗୁରୁତ୍ୱପୂର୍ଣ୍ଣ ରାସ୍ତା ଅଟେ । ସେ କହିଛନ୍ତି ଯେ ୨୦୨୨ ଶେଷ ସୁଦ୍ଧା ଏହି ପ୍ରକଳ୍ପ ଶେଷ ହେବାର ସମ୍ଭାବନା ରହିଛି । ସୂତ୍ରରୁ ପ୍ରକାଶ ଯେ ଲଦାଖରେ ଥିବା ଆକ୍ଟୁଆଲ୍ କଣ୍ଟ୍ରୋଲ୍ ଲାଇନ୍ ସହିତ ଡାଲାଟ୍ ବେଗ୍ ଓଲଡି ଏବଂ ଡେପସଙ୍ଗ୍ ଭଳି ଅନେକ ଗୁରୁତ୍ୱପୂର୍ଣ୍ଣ ସ୍ଥାନକୁ ସୈନ୍ୟବାହିନୀ ଚଳାଇବା ପାଇଁ ଅନେକ ସଡକ ପ୍ରକଳ୍ପରେ କାର୍ଯ୍ୟ ତ୍ୱରାନ୍ୱିତ କରାଯାଉଛି । ସୀମାନ୍ତ ସଡକ ସଂଗଠନ ମଧ୍ୟ ଲଦାଖକୁ ଡେପସାଙ୍ଗ ସହିତ ସଂଯୋଗ କରୁଥିବା ଏକ ଗୁରୁତ୍ୱପୂର୍ଣ୍ଣ ରାସ୍ତାରେ କାମ କରୁଛି । ଏହି ରାସ୍ତା ଲଦାଖର ସବ୍-ସେକ୍ଟର ଉତ୍ତର ପର୍ଯ୍ୟନ୍ତ ଗତି କରିଛି । ପୂର୍ବ ଲଦାଖର ଏକ ଅବରୋଧ ହେଉଛି ପାଙ୍ଗୋଙ୍ଗ ସୋ ହ୍ରଦ ନିକଟ ଫିଙ୍ଗର ଅଞ୍ଚଳ । ସୂଚନାଥାଉକି ଭାରତ ଦ୍ୱାରା ଏକ ପ୍ରମୁଖ ରାସ୍ତା ନିର୍ମାଣକୁ ନେଇ ଚୀନ୍ ବିରୋଧ କରିଆସିଛି । ଏହା ବ୍ୟତୀତ ଡାରବୁକ୍-ଶୋକ-ଦୌଲତ ବେଗ ଓଲଡି ରାସ୍ତାକୁ ସଂଯୋଗ କରୁଥିବା ଅନ୍ୟ ଏକ ରାସ୍ତା ନିର୍ମାଣ ମଧ୍ୟ ଏହି କାରଣଗୁଡ଼ିକରେ ଅନ୍ତର୍ଭୁକ୍ତ । ଗତମାସରେ ଏକ ଉଚ୍ଚସ୍ତରୀୟ ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଲଦାଖ ସମେତ ସୀମାନ୍ତ ଅଞ୍ଚଳରେ ନିର୍ମାଣାଧୀନ ଅନେକ ଭିତ୍ତିଭୂମି ପ୍ରକଳ୍ପର ଅଗ୍ରଗତି ସମୀକ୍ଷା କରିଥିଲେ ।

Leave A Reply

Your email address will not be published.