ସୁଶାନ୍ତଙ୍କ ଟଙ୍କା ଉପରେ ମୁଁ ବଞ୍ଚୁନଥିଲି : ରିୟା

0 54

ମୁମ୍ବାଇ : ଅଭିନେତା ସୁଶାନ୍ତ ସିଂ ରାଜପୁତଙ୍କ କ୍ଷେତ୍ରରେ ଅଭିନେତ୍ରୀ ରିୟା ଚକ୍ରବର୍ତ୍ତୀ ତାଙ୍କ ଉପରେ ଆସିଥିବା ଅଭିଯୋଗର ଜବାବ ଦେଇ କହିଛନ୍ତି ଯେ ସେ ସୁଶାନ୍ତଙ୍କ ଟଙ୍କା ଉପରେ ବଞ୍ଚୁନଥିଲେ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ତାଙ୍କ ପରିବାର ରିୟା ଚକ୍ରବର୍ତ୍ତୀଙ୍କୁ ଗଣମାଧ୍ୟମ ଏବଂ ସୋସିଆଲ ମିଡିଆରେ ଦୋଷୀ ବୋଲି ଆକ୍ଷେପ କରାଯାଉଛି । ସେମାନେ ମଧ୍ୟ ସୁଶାନ୍ତଙ୍କ ଟଙ୍କା ବ୍ୟବହାର କରିଥିବା ନେଇ ଅଭିଯୋଗ ହୋଇଛି । ୟୁରୋପ ଗସ୍ତରେ ସୁଶାନ୍ତଙ୍କ ଅସୁସ୍ଥତା ବିଷୟରେ ସେ କିପରି ଜାଣିଲେ ଓ ଏହି ଟ୍ରିପ୍ର ଖର୍ଚ୍ଚ କିଏ ବହନ କରିଛନ୍ତି ତାହା ଉପରେ ରିୟା ଏକ ଜାତୀୟ ଗଣମାଧ୍ୟମକୁ ସୂଚନା ଦେଇଛନ୍ତି । ଏହି ସାକ୍ଷାତକାରରେ ରିୟା କହିଛନ୍ତି ଯେ ୟୁରୋପର ଯାତ୍ରା ଦିନ ସୁଶାନ୍ତ ସମସ୍ତଙ୍କୁ କହିଥିଲେ ଯେ ସେ ବିମାନରେ ଯାତ୍ରା କରିବାକୁ ଭୟ କରୁଛନ୍ତି ଏବଂ ଏଥିପାଇଁ ସେ ମୋଡାଫିନିଲ ନାମକ ଏକ ଔଷଧ ସେବନ କରିଛନ୍ତି । ତାଙ୍କ ପାଖରେ ସବୁବେଳେ ସେହି ଔଷଧ ଥିଲା ଏବଂ ବିମାନରେ ଯିବା ପୂର୍ବରୁ ସେ ନିଜେ ସେହି ଓଷଧ ସେବନ କରିଥିଲେ । ପ୍ରଥମେ ଆମେ ପ୍ୟାରିସରେ ପହଞ୍ଚିଥିଲୁ କିନ୍ତୁ ତିନି ଦିନ ଧରି ସୁଶାନ୍ତ ତାଙ୍କ କୋଠରୀ ଛାଡି ନଥିଲେ । ୟୁରୋପ ଯାତ୍ରା କରିବା ପୂର୍ବରୁ ସେ ଏତେ ଉତ୍ସାହିତ ଥିଲେ ଯେ ଆମେ ବାହାରକୁ ଯିବୁ ଏବଂ ସେଠାରେ କେହି ତାଙ୍କୁ ଚିହ୍ନି ପାରିବେ ନାହିଁ । କିନ୍ତୁ ସେଠାକୁ ଯିବା ପରେ ସେ ତାଙ୍କ ରୁମ୍ ଛାଡ଼ିବାକୁ ନାରାଜ୍ ଥିଲେ । ରିୟା କହିଛନ୍ତି ଯେ ସ୍ୱିଜରଲ୍ୟାଣ୍ଡରେ ସୁଶାନ୍ତ ବହୁତ ଖୁସି ଏବଂ ସୁସ୍ଥ ଥିଲେ । କିନ୍ତୁ ଇଟାଲୀରେ ସେ ପୁଣି ସେହିଭଳି ଆଚରଣ କରିବା ଆରମ୍ଭ କଲେ । ଇଟାଲୀରେ ଦୁହେଁ ଗୋଥିକ ହୋଟେଲରେ ରହିଲେ ଯେଉଁଠାରେ ରୁମର ଏକ ଚିତ୍ର ଦେଖିବା ପରେ ରିୟା ଡରି ଯାଇଥିଲେ, କିନ୍ତୁ ସୁଶାନ୍ତ ସେଠାରେ ରହିବାକୁ ନିଷ୍ପତ୍ତି ନେଇଥିଲେ । ଏହା ପରେ ସୁଶାନ୍ତ ସେଠାରେ ଶୋଇ ପାରିଲେ ନାହିଁ ଏବଂ ସେ ଭୟଭୀତ ହେଲେ, ତଥାପି ଯିବାକୁ ପ୍ରସ୍ତୁତ ନଥିଲେ ।
ଏହା ପରେ ଯେତେବେଳେ ରିୟା ଜିଦ୍ ଧରିଥିଲେ, ସୁଶାନ୍ତ କହିଥିଲେ ଯେ ସେ ଡିପ୍ରେସନ୍ରେ ଅଛନ୍ତି । ରିୟା କୁହନ୍ତି, ୨୦୧୩ ରେ ତାଙ୍କର ଏକ ଡିପ୍ରେସନ୍ ସମସ୍ୟା ଥିଲା ବୋଲି ସୁଶାନ୍ତ ତାଙ୍କୁ କହିଥିଲେ । ସେ ଜଣେ ମନୋବିଜ୍ଞାନୀଙ୍କୁ ଭେଟିଥିଲେ ଯାହାର ନାମ ବୋଧହୁଏ ହରେଶ ଶେଟ୍ଟୀ । ସେ ହିଁ ସୁଶାନ୍ତଙ୍କୁ ମୋଡାଫିନିଲ ଔଷଧ ଦେଇଥିଲେ । ସେ କହିଥିଲେ ଯେ ୨୦୧୩ ପରେ ସେ ସୁସ୍ଥ ହୋଇଥିଲେ । କିନ୍ତୁ ପରେ ସେ ପୁଣି ଡିପ୍ରେସନ୍ ଆଡକୁ ଚାଲିଯାଇଥିଲେ । ଏହି ଯାତ୍ରା ପାଇଁ ଖର୍ଚ୍ଚ ଏବଂ ରିୟା ଚକ୍ରବର୍ତ୍ତୀଙ୍କ ସାନଭାଇ ଶୋଭିକ୍ ଚକ୍ରବର୍ତ୍ତୀଙ୍କୁ ପହଞ୍ଚିବା ନେଇ ରିୟାଙ୍କୁ ପ୍ରଶ୍ନ କରାଯାଇଥିଲା । ରିୟା କହିଥିଲେ ଯେ ‘ତାଙ୍କ ଭାଇ ଏବଂ ସୁଶାନ୍ତଙ୍କର ବହୁତ ଭଲ ସମ୍ପର୍କ ଥିଲା, ତେଣୁ ସୁଶାନ୍ତ ଶୋଭିକ୍ଙ୍କୁୁ ଇଟାଲୀକୁ ଡାକିଥିଲେ । ତେବେ ଶୋଭିକଙ୍କ କୌଣସି କାମ ଥିବାରୁ ସେ ସେଠାକୁ ଆସିବାକୁ ଚାହିଁନଥିଲେ ।

Leave A Reply

Your email address will not be published.