ବ୍ୟାଙ୍କ ଋଣଛାଡ଼ ୨ ବର୍ଷ ପର୍ଯ୍ୟନ୍ତ ଛାଡ଼ ହୋଇପାରେ

0 74

କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ କହିଛନ୍ତି ଯେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ସର୍କୁଲାର ଅନୁଯାୟୀ ଋଣ ପ୍ରଦାନରେ ଛାଡ ଅବଧି ଦୁଇ ବର୍ଷ ବଢ଼ାଯାଇପାରିବ । ଏହି ସମୟ ମଧ୍ୟରେ ସୁଧ ଆଦାୟ ନକରିବା ପ୍ରଶ୍ନ ଉପରେ କେନ୍ଦ୍ର ସରକାର କହିଛନ୍ତି ଯେ କେନ୍ଦ୍ର, ଆରବିଆଇ ଏବଂ ବ୍ୟାଙ୍କର୍ସ ଆସୋସିଏସନ ବୈଠକ କରି ସମାଧାନର ରାସ୍ତା ଖୋଜିବେ । କରୋନାଜନିତ ଲକ୍ଡାଉନ୍ ଯୋଗୁଁ ଆରବିଆଇ ତିନି ମାସ ଏବଂ ପରେ ଛଅ ମାସ ଋଣ ନ ଦେବାକୁ ଅନୁମତି ଦେଇଥିଲା । କିନ୍ତୁ ଏହି ସମୟ ମଧ୍ୟରେ ସୁଧ ଉପରେ ସୁଧ ଲାଗୁ ନକରିବାକୁ ଆବେଦନକାରୀ ଗଜେନ୍ଦ୍ର ଶର୍ମା ସୁପ୍ରିମକୋର୍ଟରେ ଆବେଦନ କରିଥିଲେ । ଏହି ଆବେଦନ ଉପରେ ଶୁଣାଣି ବେଳେ କେନ୍ଦ୍ର ପକ୍ଷରୁ ହାଜର ହୋଇଥିବା ସଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି ଯେ ଏହି ରିହାତି ସୀମା ଦୁଇ ବର୍ଷ ବୃଦ୍ଧି କରାଯାଇପାରିବ । ବୁଧବାର ସୁପ୍ରିମକୋର୍ଟ ଏହି ମାମଲାର ଶୁଣାଣି କରିବେ । ଏହି ପ୍ରସଙ୍ଗରେ ସବୁ ପକ୍ଷର ଶୁଣାଣି ହେବ ବୋଲି କୋର୍ଟ କହିଛନ୍ତି । ଜଷ୍ଟିସ ଅଶୋକ ଭୂଷଣଙ୍କ ନେତୃତ୍ୱରେ ତିନି ଜଣିଆ ବେଞ୍ଚ ଏହି ମାମଲାର ଶୁଣାଣି କରୁଛନ୍ତି । ଆବେଦନକାରୀ ଗଜେନ୍ଦ୍ର ସିଂଙ୍କ ପରାମର୍ଶଦାତା ବିଶାଲ ତିୱାରୀ କହିଛନ୍ତି ଯେ ଏହା ଜନସାଧାରଣଙ୍କ ସ୍ୱାର୍ଥ ସହ ଜଡିତ । ଗତ ସପ୍ତାହରେ ସୁପ୍ରିମକୋର୍ଟ ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କ ମତାମତ ଲୋଡିଥିଲେ ଏବଂ କହିଥିଲେ ଯେ କେନ୍ଦ୍ର ସରକାର ଏହି ପ୍ରସଙ୍ଗରେ ଆରବିଆଇକୁ ପଛରେ ଲୁ·ଇ ପାରିବେ ନାହିଁ । ଆର୍ବିଆଇ ମଧ୍ୟ ଏହାର ଆଭିମୁଖ୍ୟ ସ୍ପଷ୍ଟ କରିବା ଉଚିତ । ସଲିସିଟର ଜେନେରାଲ ତୁଷାର ମେହେଟ୍ଟା ମଧ୍ୟ ଶୁଣାଣି ସମୟରେ କହିଛନ୍ତି ଯେ ଏହି ମାମଲାରେ ଅନ୍ୟାନ୍ୟ ପ୍ରସଙ୍ଗ ମଧ୍ୟ ଜଡିତ । ଜିଡିପି -୨୩ ପ୍ରତିଶତକୁ ବୃଦ୍ଧି ପାଇଛି ଏବଂ ଅର୍ଥନୀତି ଉପରେ ମଧ୍ୟ ·ପ ରହିଛି ।

Leave A Reply

Your email address will not be published.