ଆଉ ୧୧୮ ଚାଇନିଜ୍ ମୋବାଇଲ୍ ଆପ୍ ଉପରେ କଟକଣା

ନୂଆଦିଲ୍ଲୀ: ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (ଏଲ୍ଏସି)ରେ ପରିସ୍ଥିତିକୁ ନେଇ ଚୀନ୍ ସହିତ ତିକ୍ତତା ବଢ଼ୁଥିବା ବେଳେ ନରେନ୍ଦ୍ର ମୋଦୀ ସରକାର ବର୍ତ୍ତମାନ ଆହୁରି ୧୧୮ଟି ଚାଇନିଜ୍ ମୋବାଇଲ୍ ଆପ୍ ଉପରେ ପ୍ରତିବନ୍ଧକ ଲଗାଇଛନ୍ତି, ଯେଉଁଥିରେ ବହୁ ଲୋକପ୍ରିୟ ଖେଳ ଖେଳ ଆପ୍ ପବ୍ ଜି ଅନ୍ତର୍ଭୁକ୍ତ । ସୂଚନା ଏବଂ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ବୁଧବାର ଏହି ନିଷ୍ପତ୍ତି ନେଇଛି । ଇଲେକ୍ଟ୍ରୋନିକ୍ସ ଏବଂ ସୂଚନା ଏବଂ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟର ଏକ ବିବୃତ୍ତିରେ କୁହାଯାଇଛି ଯେ, ଭାରତର ସାର୍ବଭୌମତ୍ୱ ତଥା ଅଖଣ୍ଡତା, ଭାରତର ପ୍ରତିରକ୍ଷା, ରାଜ୍ୟର ସୁରକ୍ଷା ତଥା ସାଧାରଣ ଶୃଙ୍ଖଳା ସହ ଜଡିତ କାର୍ଯ୍ୟକଳାପରେ ଏହି ଆପ୍ସକୁ ନିଷିଦ୍ଧ କରାଯାଇଛି । ଏହି ପଦକ୍ଷେପ କୋଟି କୋଟି ଭାରତୀୟ ମୋବାଇଲ୍ ଏବଂ ଇଣ୍ଟରନେଟ୍ ବ୍ୟବହାରକାରୀଙ୍କ ସ୍ୱାର୍ଥ ରକ୍ଷା କରିବ । ଏହି ନିଷ୍ପତ୍ତି ଭାରତୀୟ ସାଇବର ସ୍ପେସର ସୁରକ୍ଷା, ନିରାପତ୍ତା ଏବଂ ସାର୍ବଭୌମତ୍ୱକୁ ସୁନିଶ୍ଚିତ କରିବା ପାଇଁ ଏକ ଲକ୍ଷ୍ୟମୂଳକ ପଦକ୍ଷେପ ବୋଲି ସେ କହିଛନ୍ତି । ମନ୍ତ୍ରଣାଳୟ କହିଛି ଯେ ଆଣ୍ଡ୍ରଏଡ ଏବଂ ଆଇଓଏସ ପ୍ଲାଟଫର୍ମରେ ଉପଲବ୍ଧ କେତେକ ମୋବାଇଲ୍ ଆପର ଅପବ୍ୟବହାର, ଚୋରି ଏବଂ ଅପ୍ରତ୍ୟାଶିତ ଭାବରେ ବ୍ୟବହାରକାରୀଙ୍କ ତଥ୍ୟକୁ ଭାରତ ବାହାରେ ଅବସ୍ଥିତ ସର୍ଭରକୁ ପଠାଇବା ପାଇଁ ବିଭିନ୍ନ ଉତ୍ସରୁ ଅନେକ ଅଭିଯୋଗ ଆସିଛି ।

Leave a Reply

Your email address will not be published. Required fields are marked *