୫୦୦ କେଜିର ଗୁଣ୍ଡ ଜବତ, ୧ ଗ୍ରାମକୁ ୬ରୁ ୮ହଜାରରେ ବିକ୍ରି ହେଉଥିଲା
ମୁମ୍ବାଇ, ୧୮ ।୯ : ଗୁରୁବାର ଦିନ ଚାଲିଥିବା ଏକ ଅପରେସନରେ ଜୋନାଲ ନିର୍ଦ୍ଦେଶକ ସମୀର ୱାନକେଡେଙ୍କ ନେତୃତ୍ୱରେ କାର୍ଯ୍ୟ କରୁଥିବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ମୁମ୍ବାଇ ଟିମ୍ ବଲିଉଡକୁ ଡ୍ରଗ୍ସ ସପ୍ଲାଏ କରୁଥିବା ବ୍ୟକ୍ତିଙ୍କୁ ଧରପଗଡ଼ କରିବା ଆରମ୍ଭ କରିଦେଇଛି । ଏହି ଅପରେସନ୍ ଶୁକ୍ରବାର ସକାଳ ପର୍ଯ୍ୟନ୍ତ ଚାଲିଥିବା ଜଣାଯାଇଛି । ଯୋଗାଣକାରୀଙ୍କ ମଧ୍ୟରୁ ଜଣେ ହେଉଛନ୍ତି ରାହିଲ ବିଶ୍ରାମ । ଏନ୍ସିବି ଏହି ଯୋଗାଣକାରୀଙ୍କ ଚେନ୍କୁ ଧରିବା ପାଇଁ ଶତଚେଷ୍ଟା ଚଳାଇଛି । ଏହି ପ୍ରୟାସରେ ଏନସିବି ଜୋନାଲ ନିର୍ଦ୍ଦେଶକ ସମୀର ୱାନକେଡେ ଏବଂ ତାଙ୍କ ଟିମ୍ ମୁମ୍ବାଇର ପୋୱାଇ ଉପରେ ଚଢ଼ାଉ କରି ଦୁଇରୁ ତିନି ଜଣଙ୍କୁ ଗିରଫ କରିଛି । ଏହି ଆକ୍ରମଣରେ ପ୍ରାୟ ୫୦୦ କିଲୋଗ୍ରାମ ଉଚ୍ଚମାନର ଗୁଣ୍ଡ ଜବତ କରାଯାଇଛି ଯାହାକି ବଜାରରେ ଗ୍ରାମ ପିଛା ୬ରୁ ୮ହଜାର ଟଙ୍କା ମୂଲ୍ୟରେ ବିକ୍ରି ହେଉଥିଲା । ଯେଉଁ ମାମଲାରେ ରିୟା ଚକ୍ରବର୍ତ୍ତୀ ଧରାପଡିଛନ୍ତି ତାହାର ଅନୁସନ୍ଧାନ କରୁଥିବାବେଳେ ସମୀର ୱାନକେଡେ ଏବଂ ତାଙ୍କ ଟିମ୍ ଏହି ନେଟୱାର୍କ ସହିତ ସିଧାସଳଖ ସଂପୃକ୍ତ ଥିବା ରାହୁଲଙ୍କ ବିବରଣୀ ପାଇଛନ୍ତି । ଏହାପରେ ଭର୍ସୋଭାରେ ରାହିଲଙ୍କ ଘରେ ଚଢ଼ାଉ କରାଯାଇଥିଲା । ଏହା ଏକ ଉଚ୍ଚମାନର ନାର୍କୋଟିକ୍ ୟକ୍ସଙ୍କଶ ଷଧ ଯାହାର ଓଜନ ପ୍ରାୟ ୧ କିଲୋଗ୍ରାମ ଏହାର ବଜାରରେ ମୂଲ୍ୟ ପ୍ରାୟ ୩ ରୁ ୪ କୋଟି ହେବ । ଏହା ବ୍ୟତୀତ ଏନସିବି ରାହିଲଙ୍କ ଘରୁ ୪.୫ ଲକ୍ଷ ଟଙ୍କା ଜବତ କରିଛି । ପ୍ରାରମ୍ଭିକ ପଚରାଉଚୁରାରେ ରାହୁଲ ତାଙ୍କ ମାଲିକଙ୍କ ବିଷୟରେ କହିଛନ୍ତି ଯିଏ ବଲିଉଡକୁ ଡ୍ରଗ୍ସ ଯୋଗାଉଛନ୍ତି ।
