ଅକ୍ଟୋବର ଶେଷ ଯାଏଁ ରାଜ୍ୟରେ ୧୪୪ ଧାରା ଲାଗୁ କଲେ କେରଳ ସରକାର

କେରଳ: ରାଜ୍ୟରେ କରୋନାଭାଇରସ୍ ରୋଗର ବୃଦ୍ଧି ଉପରେ ନିୟନ୍ତ୍ରଣ କରିବାକୁ ୧୪୪ ଧାରା ଲାଗୁ କରିବା ସହ ବିଧାନସଭାରେ ପାଞ୍ଚରୁ ଅଧିକଙ୍କୁ ବାରଣ କରିଛନ୍ତି । ମୁଖ୍ୟ ଶାସନ ସଚିବ ବିଶ୍ୱ ମେହେଟ୍ଟାଙ୍କ ଦ୍ୱାରା ଗୁରୁବାର ଦିନ ବିଳମ୍ବିତ ରାତିରେ ଦିଆଯାଇଥିବା ନିର୍ଦ୍ଦେଶାବଳୀରେ କୁହାଯାଇଛି ଯେ କରୋନା ସଂକ୍ରମଣ ସୁପରସ୍ପ୍ରେଡ ହେବାର ଆଶଙ୍କା ସୃଷ୍ଟି କରୁଛି । ତେଣୁ ଅକ୍ଟୋବର ୩ ତାରିଖ ସକାଳ ୯ଟାରୁ ଏହି ନିୟମ ଲାଗୁ ହେବ ଏବଂ ରାଜ୍ୟରେ ଅକ୍ଟୋବର ୩୧ ପର୍ଯ୍ୟନ୍ତ ବଳବତ୍ତର ରହିବ । ରାଜ୍ୟରେ କରୋନା ମାମଲାର ସଂଖ୍ୟାକୁ ଦୃଷ୍ଟିରେ ରଖି ଜନସମାଗମ ତଥା ସମାବେଶ ହେବା ଦ୍ୱାରା ସଂକ୍ରମଣ ବିସ୍ତାର ହେବାର ଆଶଙ୍କା ସୃଷ୍ଟି ହୋଇଛି । ତେଣୁ ଏକ ସମୟରେ ପାଞ୍ଚରୁ ଅଧିକ ଲୋକଙ୍କର ଏକ ସଭା କିମ୍ବା ସମାବେଶକୁ ଅନୁମତି ଦିଆଯାଇପାରିବ ନାହିଁ । ସାମାଜିକ ଦୂରତାକୁ କାର୍ଯ୍ୟକାରୀ କରିବା ସହିତ ଧାରା ୧୪୪ ର ନିୟମାବଳୀ କାର୍ଯ୍ୟକାରୀ ହେବ ବୋଲି ଆଦେଶରେ କୁହାଯାଇଛି । ଜିଲ୍ଲା ମାଜିଷ୍ଟ୍ରେଟମାନଙ୍କୁ ସେମାନଙ୍କ ଜିଲ୍ଲାର ସ୍ଥିତି ଆକଳନ କରିବା ଏବଂ ରୋଗର ବିସ୍ତାରକୁ ନିୟନ୍ତ୍ରଣ କରିବା ପାଇଁ ଆଇନ ଅନୁଯାୟୀ ପ୍ରଯୁଜ୍ୟ ବ୍ୟବସ୍ଥା ଏବଂ ନିର୍ଦ୍ଦେଶ ବ୍ୟବହାର କରିବାକୁ ମାନିବାକୁ କୁହାଯାଇଛି । କଣ୍ଟେନମେଣ୍ଟ ଜୋନ କିମ୍ବା ଅଧିକ ପ୍ରଭାବିତ ଅଞ୍ଚଳରେ କଠୋର ପ୍ରତିବନ୍ଧକ ଲଗାଯିବ । ବିବାହ, ଅନ୍ତିମ ସଂସ୍କାର ଇତ୍ୟାଦି କାର୍ଯ୍ୟକ୍ରମରେ କଟକଣା ଲାଗୁ ହେବ ଏବଂ ସଂପୃକ୍ତ ଜିଲ୍ଲାରେ ବିପର୍ଯ୍ୟୟ ପରି·ଳନା ପ୍ରାଧିକରଣ (ଊଊଗଇ) ନିୟମ ଜାରି କରାଯିବ । ସୂଚନାଯୋଗ୍ୟ, ଆଜି ସୁଦ୍ଧା ମୋଟ ସଂକ୍ରମଣ ସଂଖ୍ୟା ୨,୧୨,୪୯୯ ଛୁଇଁଥିବା ବେଳେ ମୃତ୍ୟୁ ସଂଖ୍ୟା ୭୯୧କୁ ବୃଦ୍ଧି ପାଇଛି । ଉକ୍ତ ରାଜ୍ୟରେ ୭୭୪୮୨ ଜଣ ସକ୍ରିୟ କରୋନା ମାମଲାରେ ସହ ଦେଶର ତୃତୀୟ ସର୍ବାଧିକ ସଂକ୍ରମିତ ବୋଲି ଜଣାପଡିଛି ।

Leave a Reply

Your email address will not be published. Required fields are marked *