ନୂଆଦିଲ୍ଲୀ, ୫ ।୧୧ : ଯକ୍ତରାଷ୍ଟ ଆମେରିକାରେ ଡେମୋକ୍ରାଟ୍ସ ପ୍ରାର୍ଥୀ ଜୋ ବାଇଡେନ ପରବର୍ତ୍ତୀ ରାଷ୍ଟ୍ରପତି ହେବା ସମ୍ଭାବନା ଉଜ୍ଜ୍ୱଳ ଦେଖାଯାଉଛି । ନିର୍ବାଚନ ଭୋଟ୍ ଯୁଦ୍ଧରେ ଜୋ ବାଇଡେନ ଡୋନାଲ୍ଡ ଟ୍ରମ୍ପଙ୍କୁ ପଛରେ ପକାଇ ବହୁମତର ଅତି ନିକଟତର ହୋଇଛନ୍ତି । ଏଭଳି ପରିସ୍ଥିତିରେ ବାଇଡେନ କ୍ଷମତାକୁ ଆସିବା ପରେ ଆମେରିକା-ଭାରତ ସମ୍ପର୍କ କିପରି ବଦଳିବ ତାହା ଉପରେ ସମସ୍ତଙ୍କ ନଜର ରହିଛି । ଗୋଟିଏ ପଟେ ଡୋନାଲ୍ଡ ଟ୍ରମ୍ପଙ୍କ ବିବୃତ୍ତି ସବୁବେଳେ ଅସ୍ଥିର ଥିବାବେଳେ ବାଇଡେନ ଦୀର୍ଘଦିନ ଧରି ରାଜନୀତିରେ ରହିଆସିଥିବା ବେଳେ ତାଙ୍କ ବିବୃତ୍ତି ଅତ୍ୟନ୍ତ ମହତ୍ତ୍ୱ ରଖିଥାଏ ବୋଲି ବିବେଚନା କରାଯାଏ ।
ଯଦି ଆମେ ଭାରତ ସହିତ ବାଇଡେନଙ୍କ ସମ୍ପର୍କ ବିଷୟରେ କହିବା, ତେବେ ୨୦୦୮ରେ ଭାରତ ଏବଂ ଆମେରିକା ମଧ୍ୟରେଐତିହାସିକ ଆଣବିକ ଚୁକ୍ତି ଯାହା ବାଇଡେନ ସେହି ସମୟରେ ପ୍ରମୁଖ ଭୂମିକା ଗ୍ରହଣ କରିଥିଲେ । ଏଥିସହିତ ସିନେଟର ମଧ୍ୟ ଏହି ଡିଲ୍ ସପକ୍ଷରେ ଭୋଟ୍ ଦେଇଥିଲେ ।
ବାସ୍ତବରେ ଅକ୍ଟୋବର ୨୦୦୮ରେ ଯେତେବେଳେ ଭାରତ ଏବଂ ଆମେରିକା ଆଣବିକ ଚୁକ୍ତି ଉପରେ ଆଲୋଚନା କରୁଥିଲେ, ସେତେବେଳେ ଆମେରିକା ସିନେଟରେ ଏକ ଭୋଟ୍ ହୋଇଥିଲା । ସେତେବେଳେ ଜୋ ବିଡେନ ଏହି ଡିଲକୁ ସମର୍ଥନ କରିଥିଲେ । ଆମେରିକାର ଲୋକସଭାରେ ଏହି ଡିଲ୍ ସପକ୍ଷରେ ମୋଟ ୨୯୮ ଭୋଟ୍ ପଡ଼ିଥିବାବେଳେ ବରୋଧରେ ୧୧୭ ଭୋଟ୍ ପଡ଼ିଥିଲା । ସେହିପରି ସିନେଟରେ ସପକ୍ଷରେ ୮୬ ଭୋଟ୍ ଏବଂ ବିରୋଧରେ ୧୩ ଟି ଭୋଟ୍ ପଡ଼ିଥିଲା ।
କେବଳ ସପକ୍ଷରେ ମତଦାନ ନୁହେଁ, ସେହି ସମୟରେ ବାଇଡେନ ସିନେଟ ବୈଦେଶିକ ସମ୍ପର୍କ କମିଟିର ମୁଖ୍ୟ ଥିଲେ ଯାହା ଏହି ଚୁକ୍ତିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ଏହି ଚୁକ୍ତି ବିଷୟରେ ଜୋ ବାଇଡେନ କହିଛନ୍ତି ଯେ ମୋର ନେତୃତ୍ୱରେ ଭାରତ ଏବଂ ଆମେରିକା ଏକ ଐତିହାସିକ ଚୁକ୍ତି ସ୍ୱ୍ୱାକ୍ଷର କରିଛନ୍ତି ଯାହା ଦୁଇ ଦେଶର ବନ୍ଧୁତାକୁ ମଜବୁତ କରିଛି ।
ଏହା ବ୍ୟତୀତ ଜୋ ବାଇଡେନ ୧୯୯୮ରେ ଭାରତର ଆଣବିକ ପରୀକ୍ଷଣକୁ ସମର୍ଥନ କରି ଏକ ବିବୃତ୍ତି ମଧ୍ୟ ଦେଇଥିଲେ । ସେ କହିଥିଲେ ଯେ ଲୋକମାନେ ଭାରତର ମନୋଭାବକୁ ଭୁଲ ବୁଝୁଛନ୍ତି । ଭାରତ ଏପରି ଦେଶ ନୁହେଁ ଯାହା ଅନ୍ୟମାନଙ୍କୁ ସମସ୍ୟାରେ ପକାଇଥାଏ । ଏହା ଲିବିଆ, ଉତ୍ତର କୋରିଆ କିମ୍ବା ଇରାକ ନୁହେଁ । ଏହା ବ୍ୟତୀତ ବାଇଡେନ କହିଥିଲେ ଯେ ବିଶ୍ୱର ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ଭାରତ ଏବଂ ଆମେରିକା ମଧ୍ୟରେ ବନ୍ଧୁତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ଭାରତ ଏବଂ ଆମେରିକା ବନ୍ଧୁ ରୁହନ୍ତି ତେବେ ବିଶ୍ୱ ସୁରକ୍ଷିତ ରହିବ ।
୨୦୦୮ରେ ପରମାଣୁ ଚୁକ୍ତି ଭାରତ ଏବଂ ଆମେରିକା ମଧ୍ୟରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ ଯେଉଁଠାରେ ଦୁଇ ଦେଶ ମଧ୍ୟରେ ଅନେକ ଟେନସନ୍ ପଏଣ୍ଟ ହଟାଇ ଏହି ଚୁକ୍ତି ହୋଇଥିଲା । ଏପରିକି ଭାରତ ସହିତ ଚୁକ୍ତିନାମା ସ୍ୱାକ୍ଷର କରିବାକୁ ଆମେରିକା ଏହାର ନିୟମ ବଦଳାଇବାକୁ ବାଧ୍ୟ ହୋଇଥିଲା ।
