ଟାର୍ଗେଟରେ ଥିଲେ ଅନେକ ଭିଭିଆଇପି
ନୂଆଦିଲ୍ଲୀ: ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଗୋଟିଏ ବଡ଼ ଧରଣର ଆତଙ୍କବାଦୀ ଆକ୍ରମଣର ଷଡଯନ୍ତ୍ରକୁ ବିଫଳ କରିଛି ଏବଂ ଏହି ଘଟଣାରେ ପୋଲିସ ଦୁଇ ଆତଙ୍କବାଦୀଙ୍କୁ ଗିରଫ କରିଛି । ଏହି ଆତଙ୍କବାଦୀମାନେ ଜୈଶ-ଏ-ମହମ୍ମଦ ସହ ସମ୍ପର୍କର ଥିବା ବେଳେ ସେମାନେ ଜାମ୍ମୁ କାଶ୍ମୀରର ବାସିନ୍ଦା । ତାଙ୍କ ନିକଟରୁ ୧୦ଟି ଜୀବନ୍ତ କାର୍ଟ୍ରିଜ୍ ସହିତ ଦୁଇଟି ସେମି ଅଟୋମେଟିକ୍ ବନ୍ଧୁକ ଜବତ କରାଯାଇଛି । କୁହାଯାଉଛି ଯେ ଦୁହେଁ ଦିଲ୍ଲୀରେ ଏକ ବଡ ଆକ୍ରମଣର ଷଡଯନ୍ତ୍ର ସାମିଲ ଥିଲେ । ପୋଲିସ ସୂତ୍ର ଅନୁଯାୟୀ ସେମାନେ ଦିଲ୍ଲୀରେ ଏକ ବଡ଼ ଧରଣର ବିସ୍ଫୋରଣ କରିବାକୁ ଚାହୁଁଥିଲେ । ସୂଚନା ଅନୁଯାୟୀ, ଦିଲ୍ଲୀ ପୋଲିସକୁ ଏହି ଦୁଇ ଆତଙ୍କବାଦୀଙ୍କ ସମ୍ପର୍କରେ ସୂଚନା ମିଳିଥିଲା । ଏହାପରେ ସେମାନଙ୍କୁ ଧରିବା ପାଇଁ ଯୋଜନା କରାଯାଇଥିଲା । ସୋମବାର ରାତି ୧୦.୧୫ରେ ଜୈଶ-ଏ-ମହମ୍ମଦଙ୍କ ଏହି ଦୁଇ ଆତଙ୍କବାଦୀଙ୍କୁ ଯୋଜନା ମୁତାବକ ଗିରଫ କରାଯାଇଥିଲା । ଏହାସହ ଦୁଇ ଆତଙ୍କବାଦୀଙ୍କ ନିକଟରୁ ଅସ୍ତ୍ରଶସ୍ତ୍ର ମଧ୍ୟ ଉଦ୍ଧାର କରାଯାଇଛି । ପୋଲିସର ସୂଚନାନୁସାରେ ଗିରଫ ହୋଇଥିବା ଆତଙ୍କବାଦୀମାନେ ଜାମ୍ମୁ କାଶ୍ମୀରର ବାରାମୁଲ୍ଲା ଜିଲ୍ଲାର ବାସିନ୍ଦା ଅବଦୁଲ ଲତିଫ ଏବଂ ଆଉ ଜଣେ କୁପୱାରା ଜିଲ୍ଲାର ହାଟମୁଲ୍ଲା ଗାଁର ଆଶ୍ରାଫ ଖତାନା ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆତଙ୍କବାଦୀଙ୍କ ବୟସ ୨୦ରୁ ୨୨ ବର୍ଷ ମଧ୍ୟରେ ହେବ । ଉଭୟ କାଲେ ଖାନର ଏକ ଭଡା ଘରେ ରହୁଥିଲେ । ସେମାନଙ୍କର ଷଡଯନ୍ତ୍ର ଦିଲ୍ଲୀ-ଏନସିଆରେ ବିସ୍ଫୋରଣ କରିବାର ଥିଲା । କାଶ୍ମୀରରେ ଆତଙ୍କବାଦୀଙ୍କ ବିରୋଧରେ ଚାଲିଥିବା ଅପରେସନ୍ ଯୋଗୁଁ ଆତଙ୍କବାଦୀମାନେ ସେମାନଙ୍କୁ ଦିଲ୍ଲୀ ପଠାଇଥିଲେ । ଅନେକ ଭିଭିଆଇପିଙ୍କୁ ଏଥିରେ ଟାର୍ଗେଟ କରାଯାଇଥିଲା । ପଚରାଉଚରା ବେଳେ ସେମାନେ କହିଛନ୍ତି ଯେ, ସେମାନେ ଟ୍ରେନିଂ ପାଇଁ ପାକିସ୍ତାନ ଯିବାକୁ ଚାହୁଁଥିଲେ । ସେମାନେ ସୀମା ପାର କରିବାକୁ ବହୁ ଚେଷ୍ଟା କରିଥିଲେ ଏବଂ ବିଫଳ ହୋଇଥିଲେ । ଏହି ଆତଙ୍କବାଦୀଙ୍କଠାରୁ ବିସ୍ଫୋରକ ଏବଂ କେତେକ ଗୁରୁତ୍ତ୍ୱପୂର୍ଣ୍ଣ ଦଲିଲ ଉଦ୍ଧାର କରାଯାଇଛି ।
