ରାଜ୍ୟରେ ଗତ ୨୪ ଘଂଟାରେ କରୋନାରେ ୪୪ ଜଣଙ୍କର ମୃତ୍ୟୁ

64

-ମୋଟ ମୃତ୍ୟୁ ସଂଖ୍ୟା ୩୪୩୨ ହେଲା

ଭୁବନେଶ୍ୱର :  ରାଜ୍ୟରେ  ଗତ ୨୪ ଘଂଟା ମଧ୍ୟରେ ରାଜ୍ୟରେ କରୋନାରେ ୪୪ ଜଣ ରୋଗୀଙ୍କର ମୃତ୍ୟୁ ଘଟିଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆ ଯାଇଛି । ଏହା ସହ ରାଜ୍ୟରେ କରୋନା କାରଣରୁ ମୃତ୍ୟୁ ସଂଖ୍ୟା ବଢି ୩୪୩୨  ହୋଇ ଯାଇଛି ।  ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ଖୋର୍ଧା ଜିଲ୍ଲାରେ ସବୁଠାରୁ ଅଧିକ୫ ଜଣ ମୃତ୍ୟୁବରଣ କରିଛନ୍ତି ।

ଗଂଜାମ, କଳାହାଣ୍ଡି, ପୁରୀ ଜିଲ୍ଲାରେ ୪-୪ ମୃତ୍ୟୁବରଣ କରିଥିବା ନେଇ  ସୂଚନା ଦିଆ ଯାଇଛି ।  କଟକ, ଜଗତସିଂହପୁର, ଝାରସୁଗୁଡା, ରାୟଗଡା, ସୁନ୍ଦରଗଡ   ଜିଲ୍ଲାରେ ୩-୩ ଜଣ ମୃତ୍ୟୁବରଣ କରିଥିବା ବେଳେ   ବରଗଡ, ବୌଦ୍ଧ, ମୟୁରଭଂଜ ଜିଲ୍ଲାରେ ୨-୨ ଜଣ ମୃତ୍ୟୁବରଣ କରିଛନ୍ତି । ଢେଙ୍କାନାଳ, ଗଜପତି, କନ୍ଧମାଳ, କେନ୍ଦୁଝର, ନୂଆପଡା, ସମ୍ବଲପୁର ଜିଲ୍ଲାରେ ୧-୧ ଜଣ ମୃତ୍ୟୁୂବରଣ କରିଛନ୍ତି । 

Comments are closed.