ସ୍ମାର୍ଟସିଟି ପ୍ରତିଯୋଗିତାରେ ଭୁବନେଶ୍ୱର ପୁରସ୍କୃତ

74

ଭୁବନେଶ୍ୱର : ସ୍ମାର୍ଟସିଟି ପ୍ରତିଯୋଗିତାରେ ଭୁବନେଶ୍ୱର ପୁଣି ଥରେ ଆଗରେ । ଇଣ୍ଡିଆନ ସ୍ମାର୍ଟ ସିଟି -ଆଇଏସସି ଆୱାର୍ଡ ପ୍ରତିଯୋଗିତାରେ ଦୁଇଟି ପୁରସ୍କାର ଜିତିଛି ରାଜଧାନୀ ଭୁବନେଶ୍ୱର । ସହରାଞ୍ଚଳ ଓ ଗୃହ ନିର୍ମାଣ ମନ୍ତ୍ରାଳୟ ପକ୍ଷରୁ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଦେଶରେ ୧୦୦ଟି ସହର ଭାଗ ନେଇଥିଲେ । ତିରୁପତି ପ୍ରଥମ ପୁରସ୍କାର ପାଇଥିବା ବେଳେ ଭୁବନେଶ୍ୱର ଦ୍ୱିତୀୟ ସ୍ଥାନରେ ରହିଛି । କର୍ଣ୍ଣାଟକର ତୁମାକୁରୁ ତୃତୀୟ ସ୍ଥାନରେ ରହିଛି । ଭୁବନେଶ୍ୱର ସ୍ମାର୍ଟ ସିଟି ଲିମିଟେଡ଼ର ଦୁଇଟି ପ୍ରୋଜେକ୍ଟକୁ ପ୍ରଶଂସା କରାଯାଇଥିଲା ।

ଜନକଲ୍ୟାଣ କାର୍ଯ୍ୟକ୍ରମ ପାଇଁ ସାମାଜିକ ସ୍ତରରେ ମଧ୍ୟ ଭୁବନେଶ୍ୱର ସ୍ମାର୍ଟସିଟି ଭାବେ ସୃଷ୍ଟି କରିପାରିଛି ନିଜର ପରିଚୟ । ଏଥିସହ ଭୁବନେଶ୍ୱରରେ ମହିଳାଙ୍କ ସୁରକ୍ଷାକୁ ନେଇ ନିଆଯାଇଥିବା ପଦକ୍ଷେପକୁ ମଧ୍ୟ ପ୍ରଂଶସା କରାଯାଇଛି । ରାଜଧାନୀରେ ୱାଇ-ଫାଇ ବ୍ୟବସ୍ଥା,ପବ୍ଲିକ ଟ୍ରାନ୍ସପୋର୍ଟ, ଜନକଲ୍ୟାଣ ଯୋଜନା ଭଳି ବିଭିତ୍ତ ବ୍ୟବସ୍ଥା ପାଇଁ ରାଜଧାନୀ ଅନ୍ୟ ସହର ଠାରୁ ସୃଷ୍ଟି କରିପାରିଛି ନିଜର ସ୍ୱତନ୍ତ୍ର ପରିଚୟ ।

Comments are closed.