ଆଜି ପୁରୀରେ ସ୍ମାର୍ଟକାର୍ଡ

0 80

ବ୍ରହ୍ମଗିରି : ପୁରୀ ପାଇଁ ବ୍ରହ୍ମଗିରିରୁ ଲେଖାହେବ ବିକାଶର ନୂଆ ଅଧ୍ୟାୟ । ଆଜି ଅପରାହ୍ଣରେ ବ୍ରହ୍ମଗିରି ଗସ୍ତରେ ଯାଇ ପୁରୀ ଜିଲ୍ଲା ପାଇଁ ବିଏସ୍କେୱାଇ ସ୍ମାର୍ଟ କାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବ୍ରହ୍ମଗିରି ବିକାଶ ପାଇଁ ପ୍ରାୟ ହଜାରେ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ ମଧ୍ୟ କରିବେ । ଏଥିସହ ବ୍ରହ୍ମଗିରି ବ୍ଲକରେ ନବର୍ନିମିତ ମିନି ସଚିବାଳୟର ଶୁଭାରମ୍ଭ କରିବା କାର୍ଯ୍ୟକ୍ରମ ରହିଛି । ବ୍ରହ୍ମଗିରି ବିକାଶ ପାଇଁ ନୂଆ ବ୍ଲୁପ୍ରିଣ୍ଟ । ଲେଖାହେବ ବିକାଶର ନୂଆ କାହାଣୀ । ସ୍ମାର୍ଟ ହେଲଥ୍ କାର୍ଡ ଦେଉଛି ମାଗଣାରେ ଉତ୍ତମ ସ୍ୱାସ୍ଥ୍ୟସେବାର ପ୍ରତିଶ୍ରୁତି । ବ୍ରହ୍ମଗିରି ବ୍ଲକରୁ ଆରମ୍ଭ ହେବ ପୁରୀ ଜିଲ୍ଲା ପାଇଁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ବଣ୍ଟନ । ଆଜି ଏହାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ହିତାଧିକାରୀଙ୍କୁ ବାଣ୍ଟିବେ ସ୍ମାର୍ଟ କାର୍ଡ । ଆଉ ବନ୍ଧା ପଡ଼ିବନି ଜମି, ଗହଣା । ଅଧାରେ ପିଲାଙ୍କ ପାଠପଢ଼ାରେ ବନ୍ଧା ହେବନି ଡୋରି । ସୁରକ୍ଷିତ ରହିବ ସଞ୍ଚୟ, ସ୍ୱାସ୍ଥ୍ୟସେବା କଥା ବୁଝିବେ ରାଜ୍ୟ ସରକାର ।

ପୁରୀ ଜିଲ୍ଲାର ୩ ଲକ୍ଷ ୭୬ ହଜାର ହିତାଧିକାରୀ ସ୍ମାର୍ଟକାର୍ଡ ଯୋଜନାରେ ଉପକୃତ ହେବେ । ସ୍ମାର୍ଟ କାର୍ଡ ସହ ବ୍ରହ୍ମଗିରିରେ ଏକାଧିକ ବିକାଶମୂଳକ ପ୍ରକଳ୍ପର ଉଦ୍ଘାଟନ ସହ ଲୋକାର୍ପଣ କରିବେ ମୁଖ୍ୟମନ୍ତ୍ରୀ । ବ୍ରହ୍ମଗିରି ପଞ୍ଚାୟତ ସମିତି କାର୍ଯ୍ୟାଳୟରେ ନବର୍ନିମିତ ମିନି ସଚିବାଳୟର ହେବ ଲୋକାର୍ପଣ । ପ୍ରାୟ ହଜାରେ କୋଟି ଟଙ୍କାର ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରିବା କାର୍ଯ୍ୟକ୍ରମ ରହିଛି । ନୂଆ ସଡ଼କ ପ୍ରକଳ୍ପ ସାଙ୍ଗକୁ ପାନୀୟ ଜଳ ଓ ସ୍ୱାସ୍ଥ୍ୟ ଭିତ୍ତିଭୂମି ସମ୍ପର୍କିତ ଏକାଧିକ ପ୍ରକଳ୍ପର ଉଦ୍ଘାଟନ କରିବେ ମୁଖ୍ୟମନ୍ତ୍ରୀ । ଏଥିପାଇଁ କେରାଣ୍ଡିଆ ହେଲିପ୍ୟାଡ୍ରେ ଏକ ସାଧାରଣ ସଭାର ଆୟୋଜନ କରାଯାଉଛି । ସ୍ଥିତି ଅନୁଧ୍ୟାନ କରିଛନ୍ତି ପୁରୀ ଜିଲ୍ଲାପାଳ ଓ ଏସ୍ପି । ସ୍ମାର୍ଟ ହେଲଥ୍ କାର୍ଡ ରାଜ୍ୟ ସରକାରଙ୍କ ଏକ ଫ୍ଲାଗସିପ୍ କାର୍ଯ୍ୟକ୍ରମ । ଅଗଷ୍ଟ ୨୦ରେ ମୁଖ୍ୟମନ୍ତ୍ରୀ ମାଲକାନଗିରିରେ ଏହାର ଶୁଭାରମ୍ଭ କରିଥିଲେ । ଏହାପରେ ସୁନ୍ଦରଗଡ଼, ବଲାଙ୍ଗିର, ଗଜପତି ଓ ଆସନ୍ତାକାଲି ବ୍ରହ୍ମଗିରିରେ କାର୍ଯ୍ୟକ୍ରମର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

Leave A Reply

Your email address will not be published.