କୋଟପାଡ଼ : କୋଟପାଡ଼ ବ୍ଲକ ଅନ୍ତର୍ଗତ ମହନ୍ତିପୁଟ ନିକଟରେ ଟ୍ରକ ଧକ୍କା ଫଳରେ ସୁମତି ଗାଦବା(୩୦) ଓ ତାଙ୍କ ଦୁଇ ବର୍ଷର ଶିଶୁପୁତ୍ର ଗଣେଶର ଘଟଣା ସ୍ଥଳରେ ମୃତ୍ୟୁ ହୋଇଥିବା ଖବର ମିଳିଛି।ଖବର ନେବାରୁ ଜଣାପଡ଼ିଛି ଯେ ଗାଡି ନମ୍ବର ଓ ଆର୨୧ବି ୮୨୮୫ର ଟ୍ରକ ବିଜୁଳି ଖୁଣ୍ଟି ନେଇ ବୋବେୟା ଅଭିମୁଖେ ଯାଉଥିଲା ଓ ନିହତ ମହିଳା ନିଜ ସ୍ୱାମୀ ପାଇଁ ଔଷଧ ନେଇ ବୋବେୟା ରୁ ମହାନ୍ତିପୁଟ ନିଜ ଘରକୁ ଫେରୁଥିଲେ।ମହାନ୍ତିପୁଟ ଗ୍ରାମ ନିକଟରେ ଟ୍ରକଟି ଉକ୍ତ ମହିଳାକୁ ଧକ୍କା ଦେଇଥିଲା। ଘଟଣା ସ୍ଥଳରେ ହିଁ ମାଆ ଓ ଶିଶୁପୁତ୍ରଙ୍କ ଜୀବନ ଚାଲିଯାଇଥିଲା।ଏହାଦ୍ବାରା ଏହି ଅଞ୍ଚଳରେ ଶୋକର ଛାୟା ଖେଳିଯାଇଛି।ଘଟଣାସ୍ଥଳରେ କୋଟପାଡ଼ ଥାନା ଅଧିକାରୀ ଶ୍ରୀ ଶେଷଦେବ ବେହେରା, ଏସଆଇ ଶ୍ରୀ ସୁନୀଲ କୁମାର ସ୍ବାଇଁ, ଏଏସଆଇ ଶ୍ରୀ ଯୁଧିଷ୍ଠିର ମୁଦୁଲି ଦଳବଳ ସହ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି।