ଗଜପତି : ଗଜପତି ଜିଲ୍ଲା ରାୟଗଡ ଥାନା ଅଧିନ ମାର୍ଲବା ଘାଟିରେ ମଙ୍ଗଳବାର ଏକ ପେଟ୍ରୋଲ ବୋଝେଇ ଟ୍ୟାଙ୍କର ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି l ଉକ୍ତ ଗାଡ଼ି ଡ୍ରାଇଭର ଆହାତ ହୋଇଥିବା ବେଳେ ତାଙ୍କୁ ଉଦ୍ଧାର କରି ରାୟଗଡ଼ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଥିବା ଜଣାପଡିଛି l ସୂଚନା ଅନୁସାରେ, ଖୋର୍ଦ୍ଧା ଠାରୁ ଓଡି ୦୫ ଜେଡ୍ ୩୮୮୧ ନମ୍ବର ବିଶିଷ୍ଟ ଏକ ଟ୍ୟାଙ୍କର ଗାଡିଟି ପେଟ୍ରୋଲ ନେଇ ପାରଳାଖେମୁଣ୍ଡି ଅଭିମୁଖେ ଯାଉଥିବା ବେଳେ ଆଜି ସକାଳ ପ୍ରାୟ ୮:୩୦ ମିନିଟ୍ ସମୟରେ ରେ ମାର୍ଲବା ଘାଟିରେ ଭାରସାମ୍ୟ ହରାଇ ଓଲଟି ପଡିଥିଲା | ଏଥିରେ ଗାଡି ଚାଳକ ଶିଶିର ରାଉତ ସାମାନ୍ୟ ଆହତ ହୋଇ ଥିଲେ | ଦୁର୍ଘଟଣା ଘଟିବାର ଖବର ପାଇ ରାୟଗଡ ଥାନା ଅଧିକାରୀ ଗୋବିନ୍ଦ ଗଉଡ଼ ସଦଳବଳେ ପହଂଚିଥିଲେ I ଏହାସହିତ ଅଗ୍ନିଶମ ବିଭାଗ କର୍ମଚାରୀ ମାନେ ମଧ୍ୟ ଘଟଣା ସ୍ଥଳରେ ପହଞ୍ଚି ଗାଡ଼ିରୁ ପେଟ୍ରୋଲ ନିର୍ଗତ ହେଉଥିବାରୁ କୌଣସି ଅଗ୍ନିସଂଯୋଗ ଦୁର୍ଘଟଣା ଆଶଙ୍କା କୁ ନେଇ ଦିନ ତମାମ ଗାଡି ନିକଟରେ ଜଗିରହି ସ୍ଥିତିକୁ ନିୟନ୍ତ୍ରଣ କରିଥିଲେ
