ଅଷ୍ଟ୍ରେଲିଆ ସହ ମ୍ୟାଚ୍‌ ପୂର୍ବରୁ ଷ୍ଟ୍ରେସ ଦୂର ପାଇଁ ଡ୍ୟାନ୍ସ କଲେ ବିରାଟ-ହାର୍ଦ୍ଦିକ

ନୂଆଦିଲ୍ଲୀ, ୧୯ା୯: ଟିମ୍‌ ଇଣ୍ଡିଆର ଷ୍ଟାର ବ୍ୟାଟସମ୍ୟାନ୍‌ ବିରାଟ କୋହଲି ଦୀର୍ଘସମୟ ପରେ ଫର୍ମକୁ ଫେରିଛନ୍ତି । କୋହଲି ଏସିଆ କପ୍‌ ୨୦୨୨ରେ ଆଫଗାନିସ୍ତାନ ବିପକ୍ଷରେ ୧୨୨ ରନ୍‌ କରିଥିଲେ । ବିରାଟ କୋହଲି ଅନ୍ତରାଷ୍ଟ୍ରୀୟ ଟି୨୦ କ୍ୟାରିଅରରେ ପ୍ରଥମ ଶତକ ଏହି ମ୍ୟାଚରେ ମାରିଥିଲେ । ଏହାପରେ ବିରାଟଙ୍କ ଆତ୍ମବିଶ୍ୱାସ ଫେରିଆସିଛି । ଅଷ୍ଟ୍ରେଲିଆ ବିପକ୍ଷରେ ଟି-୨୦ ସିରିଜ ଖେଳିବା ପୂର୍ବରୁ କୋହଲି ଏକ ନୂଆ ଭିଡିଓ ସେୟାର କରିଛନ୍ତି । ଏହି ଭିଡିଓରେ ବିରାଟଙ୍କ ସହିତ ହାର୍ଦ୍ଦିକ ପାଣ୍ଡ୍ୟା ମଧ୍ୟ ମସ୍ତି କରୁଥିବା ନଜର ଆସିଛନ୍ତି । ଦୁହେଁ ମଜାଦାର ଅନ୍ଦାଜରେ ଡ୍ୟାନ୍ସ କରୁଥିବା ନଜର ଆସିଛନ୍ତି । ହାର୍ଦ୍ଦିକ ପାଣ୍ଡ୍ୟା ୨୦୨୧ରେ ଟି-୨୦ ବିଶ୍ୱକପ୍‌ରେ ଖରାପ ପ୍ରଦର୍ଶନ କରିବା ପରେ ଟିମ୍‌ ଇଣ୍ଡିଆକୁ ପୁଣି ଫେରିଛନ୍ତି । ଆଇପିଏଲ୍‌ ୨୦୨୨ରୁ ଜବରଦସ୍ତ ଫର୍ମରେ ରହିଛନ୍ତି ବିରାଟ । କୋହଲି ପାଖାପାଖି ୩ ବର୍ଷ ଅପେକ୍ଷା କରିବା ପରେ ଅନ୍ତରାଷ୍ଟ୍ରୀୟ କ୍ରିକେଟରେ ଶତକ ଲଗାଇଛନ୍ତି ଏବଂ ଫର୍ମକୁ ପ୍ରତ୍ୟାବର୍ତ୍ତନ କରିଛନ୍ତି । ଅଷ୍ଟ୍ରେଲିଆ ଭଳି ମଜୁବତ ଟିମ୍‌ ବିପକ୍ଷରେ ସିରିଜ ଆରମ୍ଭ ପୂର୍ବରୁ ଷ୍ଟ୍ରେସ ଦୂର କରିବା ପାଇଁ ଦୁହେଁ ମଜାକ୍‌ ମସ୍ତି କରୁଛନ୍ତି । ଏହି ଭିଡିଓ ସେୟାର କରି ବିରାଟ ଏବଂ ହାର୍ଦ୍ଦିକ ଲେଖିଛନ୍ତି, “ଆପଣ ଜାଣିଛନ୍ତି କି, ଆମେ କ’ଣ କରୁ’ । ଆଉ ଏହି ଭିଡିଓ ଫ୍ୟାନ୍ସଙ୍କୁ ବହୁତ ପସନ୍ଦ ଆସିଛି । ଇନ୍‌ଷ୍ଟା ଗ୍ରାମରେ ସେୟାର ହେବାର ୧ ଘଣ୍ଟା ପରେ ୧୬ ଲକ୍ଷରୁ ଅଧିକ ଲୋକ ଲାଇକ କରିସାରିଲେଣି । ଏହାଛଡା ୧୬ ହଜାରରୁ ଅଧିକ କମେଣ୍ଟ ମଧ୍ୟ ଆସିଲାଣି । ଏହି ଭିଡିଓ ଖେଳାଳି ଦୁହେଁ ଚଷମା ଲଗାଇ ମସ୍ତି ଅନ୍ଦାଜରେ ଡ୍ୟାନ୍ସ କରୁଛନ୍ତି । ବିରାଟ କୋହଲି ଦୀର୍ଘଦିନରେ ଖରାପ ଫର୍ମରେ ରହିଥିଲେ । ସେ ନଭେମ୍ବର ୨୦୧୯ ପରେ କୌଣସି ଶତକ ଲଗାଇନଥିଲେ । ଏହାପରେ କ୍ରିକେଟର ସବୁ ଫର୍ମାଟରୁ ଅଧିନାୟକ ପଦ ଛାଡିଥିଲେ । ଆପିଇଏଲରେ ମଧ୍ୟ ଅଧିନାୟକ ପଦ ଛାଡିଥିଲେ । ଏହାପରେ ଗୋଟେ ମାସ ବ୍ରେକ୍‌ ନେବା ପରେ ଏସିଆ କପରେ ଭଲ ପ୍ରଦର୍ଶନ କରିଥିଲେ । ଏହାପୂର୍ବରୁ ଅର୍ଦ୍ଧଶତକ ଲଗାଇଥିଲେ । ଆଇପିଏଲ ୨୦୨୨ରେ ଫର୍ମକୁ ଫେରିଛନ୍ତି ହାର୍ଦ୍ଦିକ ପାଣ୍ଡ୍ୟା । ସେ ବୋଲିଂ ଏବଂ ବ୍ୟାଟିଂରେ କମାଲ କରି ଗୁଜୁରାଟ ଟିମ୍‌ ଆଇପିଏଲ ୨୦୨୨ ·ମ୍ପିଆନ ହୋଇଛି । କେବଳ ଏତିକି ନୁହେଁ ଅଧିନାୟକ ଦାୟିତ୍ୱ ମଧ୍ୟ ସୁ·ରୁରୂପେ ତୁଲାଇଥିଲେ । ଏହାପରେ ଭାରତୀୟ ଟିମ୍‌ରେ ଭଲ ପ୍ରଦର୍ଶନ କରିଥିଲେ । ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳ: ରୋହିତ ଶର୍ମା (ଅଧିନାୟକ), କେଏଲ ରାହୁଲ (ଉପଅଧିନାୟକ), ବିରାଟ କୋହଲି, ସୂର୍ଯ୍ୟକୁମାର ଯାଦବ, ଦୀପକ ହୁ‡ା, ଋଷଭ ପନ୍ତ (ୱିକେଟ କିପର), ଦିନେଶ କାର୍ତ୍ତିକ (ୱିକେଟ କିପର), ହାର୍ଦ୍ଦିକ ପାଣ୍ଡ୍ୟା, ରବିଚନ୍ଦ୍ରନ ଅଶ୍ୱିନ, ଯୁଜବେନ୍ଦ୍ର ଚହଲ, ଅକ୍ଷର ପଟେଲ, ଜସ୍‌ପ୍ରୀତ ବୁମରାହ, ଭୁବନେଶ୍ୱର କୁମାର, ହର୍ଷଲ ପଟେଲ, ମହମ୍ମଦ ସାମି ଏବଂ ଦୀପକ ଚହର ।

Leave a Reply

Your email address will not be published. Required fields are marked *