କଟକ, ୨୩ା୯(ଡିକେ ନ୍ୟୁଜ): ବାଙ୍କୀ ଓ ଅନୁଗୁଳରେ ଦୂର ହେବ ଜଳସେଚନ ସମସ୍ୟା । ପାର୍ବତୀଗିରି ବୃହତ ଉଠା ଜଳସେଚନ ପ୍ରକଳ୍ପ ଜରିଆରେ ସହଜ ହେବ ଜଳସେଚନ । ପ୍ରକଳ୍ପ ପାଇଁ ୪୬୬ କୋଟି ଟଙ୍କା ମଞ୍ଜୁର କରିଛନ୍ତି ରାଜ୍ୟ ସରକାର । ଆସନ୍ତା ତିନିବର୍ଷ ମଧ୍ୟରେ କାମ ସରିବ ବୋଲି କ୍ୟାବିନେଟରେ ନିଷ୍ପତ୍ତି ନିଆଯାଇଛି । ଏଥିପାଇଁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛି କଟକ ଜିଲ୍ଲା ବିଜୁ ଜନତା ଦଳ । ଜିଲ୍ଲା ସଭାପତି ଦେବାଶିଷ ସାମନ୍ତରାୟ ଓ ବାଙ୍କୀ ବିଧାୟକ ଦେବୀ ରଞ୍ଜନ ତ୍ରିପାଠୀ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି । କେବଳ ଜିଲ୍ଲା ବାଙ୍କୀ ଅଞ୍ଚଳ ପାଇଁ ୩୩୩ କୋଟି ଟଙ୍କା ମଞ୍ଜୁରି କରାଯାଇଛି । ଏହି ମେଗା ପ୍ରକଳ୍ପ ଦ୍ୱାରା ବାଙ୍କୀ ସମେତ ବାରଙ୍ଗ ଓ ଡ଼ମପଡା ଅଞ୍ଚଳର ହଜାର ହଜାର ଷଜମି ଜଳସେଚିତ ହେବ । ପ୍ରାୟ ୯ହଜାର ହେକ୍ଟର ଜମି ଜଳସେଚିତ ହେବ ବୋଲି କହିଛନ୍ତି ଜିଲ୍ଲା ବିଜେଡି ସଭାପତି ଦେବାଶିଷ ସାମନ୍ତରାୟ ।
