ନୂଆଦିଲ୍ଲୀ, : ସାଉଥ ସୁପରଷ୍ଟାର ନାଗାର୍ଜୁନ ଏବଂ ଅମାଲା ଆକ୍କିନେନିଙ୍କ ସାନ ପୁଅ ତଥା ଅଭିନେତା ଅଖିଲ ଆକ୍କିନେନି ଜୈନବ ରାଓଜୀଙ୍କୁ ବିବାହ କରିଛନ୍ତି ଏବଂ ସେମାନଙ୍କ ବିବାହର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଆଜି ହାଇଦ୍ରାବାଦରେ ପ୍ରେମୀଯୁଗଳ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଅଖିଲ ଆକ୍କିନେନି ଏବଂ ଜୈନବ ରାଓଜୀ ରୀତିନୀତି ଅନୁଯାୟୀ ବିବାହ କରି ଆନୁଷ୍ଠାନିକ ଭାବରେ ସ୍ୱାମୀ-ସ୍ତ୍ରୀ ହୋଇଛନ୍ତି । ଦମ୍ପତିଙ୍କ ବିବାହର ପ୍ରଥମ ଫଟୋ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ଅନେକ ପ୍ରଶଂସକ ଏବେ ନବ ବିବାହିତ ଦମ୍ପତିଙ୍କୁ ସେମାନଙ୍କ ବିବାହ ପାଇଁ ଅଭିନନ୍ଦନ ଜଣାଉଛନ୍ତି । ଆପଣଙ୍କୁ କହି ରଖୁଛୁ ଯେ ଅଖିଲ ଆକ୍କିନେନି ଏବଂ ଜୈନବ ରାଓଜୀଙ୍କ ବିବାହର ଅନେକ ଫଟୋ ଇନଷ୍ଟାଗ୍ରାମରେ ପ୍ରକାଶ ପାଇଛି । ଗୋଟିଏ ଫଟୋରେ, ଦମ୍ପତି ପରସ୍ପରର ହାତ ଧରି ଅତିଥିମାନଙ୍କ ସହିତ ଖୁସିରେ ପୋଜ୍ ଦେଉଥିବାର ଦେଖାଯାଇଛି । ଏହି ସମୟରେ, ଅନ୍ୟ ଏକ ଫଟୋରେ, ନାଗାର୍ଜୁନ ତାଙ୍କ ପୁଅ ଅଖିଲ ପାଖରେ ବସି ବିବାହ ସମୟରେ ଏକ ପରମ୍ପରା ପାଳନ କରୁଥିବାର ଦେଖାଯାଉଛି । ହାଇଦ୍ରାବାଦରେ ଅଖିଳ ଆକ୍କିନେନି ଏବଂ ଜୈନବ ରାଓଜୀଙ୍କ ବିବାହରେ ଅନେକ ସେଲିବ୍ରିଟି ଯୋଗ ଦେଇଥିଲେ । ବିବାହ ଉତ୍ସବରେ ଅଖିଲଙ୍କ ଭାଇ ନାଗା ଚୈତନ୍ୟ ଏବଂ ଭାଉଜ ସୋଭିତା ଧୂଲିପାଲା ଉପସ୍ଥିତ ଥିଲେ । ଚିରଞ୍ଜିବୀ, ରାମ ଚରଣ ଏବଂ ପ୍ରଶାନ୍ତ ନୀଲଙ୍କ ଭଳି ସେଲିବ୍ରିଟି ମଧ୍ୟ ଉତ୍ସବରେ ଯୋଗ ଦେଇଥିଲେ । ଏହି ସମୟରେ, ଅଖିଲଙ୍କ ବରଯାତ୍ରୀ ଭିଡିଓରେ, ନାଗାର୍ଜୁନ ଏବଂ ନାଗା ଚୈତନ୍ୟଙ୍କୁ ନାଚୁଥିବା ଏବଂ ବହୁତ ମଜା କରୁଥିବାର ଦେଖିବାକୁ ମିଳୁଛି । ଆପଣଙ୍କୁ କହି ରଖୁଛୁ ଯେ ନାଗା ଚୈତନ୍ୟ ଏବଂ ସୋଭିତା ଧୂଲିପାଲାଙ୍କ ବିବାହ ପୂର୍ବରୁ ଅଖିଲ ଆକ୍କିନେନି ଏବଂ ଜୈନବ ରାଓଜୀଙ୍କର ଗତ ବର୍ଷ ନଭେମ୍ବରରେ ର୍ନିବନ୍ଧ ହୋଇଥିଲା ।
