ଆମେରିକା, ବେଲାରୁସ, ରୁଷିଆ, ଶ୍ରୀଲଙ୍କା, ଚେକ୍ ରିପବ୍ଲିକ୍ ଓ ଅଷ୍ଟ୍ରେଲିଆର ଅନ୍ତର୍ଜାତୀୟ ବାଲୁକା ଶିଳ୍ପୀଙ୍କୁ ଭେଟି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସି ବ୍ୟକ୍ତ କରିଛନ୍ତି। ଓଡ଼ିଶାର ସମୃଦ୍ଧ କଳା ଓ ସଂସ୍କୃତିକୁ ପ୍ରଶଂସା କରିଥିବାରୁ ସେ ସେମାନଙ୍କୁ ଧନ୍ୟବାଦ ଜଣାଇଛନ୍ତି। ଆଲୋଚନାରେ ଏହି ଅନନ୍ୟ କଳା କ୍ଷେତ୍ରରେ ଓଡ଼ିଶାର କଳାକାରମାନଙ୍କ ଉଲ୍ଲେଖନୀୟ ଅବଦାନ ଉପରେ ଆଲୋକପାତ କରାୟିବା ସହ ଏହାର ଅଧିକ ପ୍ରଚାର ପ୍ରସାରର ସମ୍ଭାବନାକୁ ଅନୁଧ୍ୟାନ କରାୟାଇଥିଲା। ଏହି ବିବିଧ ସମାବେଶରେ ବାଲୁକା କଳାରେ ଓଡ଼ିଶାର କଳାତ୍ମକ ଉତ୍କର୍ଷର ବିଶ୍ୱସ୍ତରୀୟ ସ୍ୱୀକୃତିକୁ ପ୍ରଦର୍ଶିତ କରାୟାଇଥିଲା।