ନୂଆଦିଲ୍ଲୀ,: ଦିବ୍ୟା ଦେଶମୁଖ ପୂର୍ବତନ ବିଶ୍ୱ ଚାମ୍ପିଅନ୍ ଝୋଙ୍ଗୟୀ ଟାନଙ୍କୁ ପରାସ୍ତ କରି ମହିଳା ବିଶ୍ୱକପ୍ (ଏଫ୍ଆଇଡିଇ ମହିଳା ବିଶ୍ୱକପ୍)ର ଫାଇନାଲରେ ପହଞ୍ଚିଛନ୍ତି । ସେ ଏହି ସଫଳତା ପାଇଥିବା ପ୍ରଥମ ଭାରତୀୟ ମହିଳା ହୋଇଛନ୍ତି । ସେ କ୍ୟାଣ୍ଡିଡେଟ୍ସ ଟୁର୍ଣ୍ଣାମେଣ୍ଟ ୨୦୨୬ ପାଇଁ
ମଧ୍ୟ ଯୋଗ୍ୟତା ଅର୍ଜନ କରିଛନ୍ତି । ତେବେ ଫାଇନାଲରେ ଚୀନର ଝୋଙ୍ଗୟୀ ଟାନଙ୍କୁ ପରାସ୍ତ କରି ୧୯ ବର୍ଷୀୟ ଭାରତୀୟ ଚେସ୍ ଖେଳାଳି ଦିବ୍ୟା ଦେଶମୁଖ ଏକ ବଡ଼ ବିପର୍ଯ୍ୟୟ ଘଟାଇଛନ୍ତି । ନାଗପୁରର ବାସିନ୍ଦା ଦିବ୍ୟା ମହିଳା ବିଶ୍ୱକପର ଫାଇନାଲରେ ପହଞ୍ଚି ଇତିହାସ
ରଚିଛନ୍ତି, ସେ ଏପରି କରିଥିବା ପ୍ରଥମ ଭାରତୀୟ ମହିଳା ହୋଇଛନ୍ତି । ତାଙ୍କ ପ୍ରଦର୍ଶନ ତାଙ୍କୁ ଗ୍ରାଣ୍ଡମାଷ୍ଟର ନର୍ମ ମଧ୍ୟ ପ୍ରଦାନ କରିଛି, ଯାହା ଖେଳର ସର୍ବୋଚ୍ଚ ଟାଇଟଲ ପାଇଁ ଏକ ଗୁରୁତ୍ୱପୂର୍ଣ୍ଣ ସଫଳତା । ସେହିପରି ବିଶ୍ୱକପର ସେମିଫାଇନାଲରେ ବିଜୟୀ ହେବା ପରେ,
ଦିବ୍ୟା ଅନୁଭବ କରିଥିଲେ ଯେ ସେ ଆହୁରି ଭଲ ଖେଳିପାରିଥାନ୍ତେ । ସେ କହିଥିଲେ\ ଯେ, ମୁଁ ଭାବୁଛି ମୁଁ ଆହୁରି ଭଲ ଖେଳିପାରିଥାନ୍ତି । ଗୋଟିଏ ସମୟରେ ମୁଁ ଜିତି ଯାଉଥିଲି କିନ୍ତୁ ପରେ ପରିସ୍ଥିତି କଷ୍ଟକର ହୋଇଗଲା । ମୁଁ ଭାବୁଛି ଖେଳ ମଝିରେ ମୁଁ ଭୁଲ କରିଥିଲି କାରଣ ମୋତେ ସହଜରେ ବିଜୟ ମିଳିବା ଉଚିତ ଥିଲା । ଦିବ୍ୟା ଦେଶମୁଖ ପୂର୍ବରୁ ଏହି ଟୁର୍ଣ୍ଣାମେଣ୍ଟରେ ଚୀନର ଜୋନର ଝୁ ଏବଂ ନିଜ ଦେଶର ଡି ହାରିକାଙ୍କୁ ପରାସ୍ତ କରିଥିଲେ, ସେ ସେମିଫାଇନାଲରେ ମଧ୍ୟ ତାଙ୍କର ପ୍ରାଧାନ୍ୟ ବଜାୟ ରଖିଥିଲେ, ଏବେ ସେ ଟାଇଟଲଠାରୁ ଗୋଟିଏ ପାଦ ଦୂରରେ ଅଛନ୍ତି ।