ମୁମ୍ବାଇ, ୧୦ା୬ : ବଲିଉଡର ଜଣାଶୁଣା କମେଡିଆନ୍ କପିଲ ଶର୍ମାଙ୍କ ଲୋକପ୍ରିୟ ଶୋ’ ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ ଏହାର ତୃତୀୟ ସିଜିନ୍ ସହିତ ଦର୍ଶକଙ୍କ ମନୋରଞ୍ଜନ କରିବାକୁ ଆସୁଛି । ଏହି ସମୟରେ, ଶୋ’ର ନିର୍ମାତାମାନେ ଏକ ବଡ଼ ଘୋଷଣା କରିଛନ୍ତି । ପ୍ରକୃତରେ, ନବଜୋତ ସିଂହ ସିଦ୍ଧୁ ଏହି ନୂତନ ସିଜିନରେ “ଶୋ’କୁ ଫେରି ଆସୁଛନ୍ତି । ଏହା ଉପରେ ସିଦ୍ଧୁ କହିଛନ୍ତି ଯେ, ତାଙ୍କୁ ଲାଗୁଛି ଯେ ସେ ପୁଣି ଥରେ ତାଙ୍କ ଘରକୁ ଫେରି ଆସୁଛନ୍ତି । ଶୋ’କୁ ଫେରିବା ବିଷୟରେ କଥା ହୋଇ ସିଦ୍ଧୁ କହିଛନ୍ତି କି,”ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’କୁ ଆସିବା ମୋତେ ପୁଣି ଥରେ ଘରକୁ ଫେରିବା ଭଳି ଲାଗୁଛି । ଏହା ମୋ ପାଇଁ ଏକ ଅତ୍ୟନ୍ତ ସ୍ୱତନ୍ତ୍ର ଅବସର । ଆମେ ଲୋକଙ୍କ ସ୍ୱର ଶୁଣିଛୁ, ଆମର ଆଲୋଚନାକୁ ପସନ୍ଦ କରୁଥିବା ଅନେକ ପ୍ରଶଂସକ ଏବଂ ଶୁଭେଚ୍ଛୁ ଆମକୁ ଏକାଠି ଦେଖିବାକୁ ·ହୁଁଥିଲେ । ମୁଁ ବହୁତ ଖୁସି ଯେ ନେଟଫ୍ଲିକ୍ସ ଏତେ ଭଲ ଲୋକଙ୍କୁ ଏକାଠି କରୁଛି ଏବଂ ଏହି ସିଜିନରେ ଆମେ ଦର୍ଶକଙ୍କ ପାଇଁ ବହୁତ ଭଲ ପ୍ରଦର୍ଶନ କରିବୁ । ସେ ଆହୁରି କହିଛନ୍ତି କି, ହସ ପାଇଁ ଆପଣଙ୍କୁ କୌଣସି ଟଙ୍କା ଖର୍ଚ୍ଚ କରିବାକୁ ପଡ଼ିବ ନାହିଁ, କିନ୍ତୁ ହସର ମୂଲ୍ୟ କୋଟି କୋଟି ଟଙ୍କା ସହିତ ସମାନ । ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ ଏକ ମାଧ୍ୟମ ଯାହା ଲୋକଙ୍କ ମୁହଁରେ ଖୁସି ଆଣିବା ପାଇଁ କାମ କରେ । ମୁଁ ପୁଣି ଏହି ଶୋ’ର ଅଂଶ ହେବାକୁ ସମ୍ମାନିତ ଅନୁଭବ କରୁଛି । ନଭଜୋତ ସିଂହ ସିଦ୍ଧୁ ଏଥର ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ରେ କମେଡି କୁଇନ ଅର୍ଚ୍ଚନା ପୁରନ୍ ସିଂହଙ୍କ ପାଖରେ ବସିଥିବାର ଦେଖାଯିବେ । ନେଟଫ୍ଲିକ୍ସ ଏବଂ କପିଲ୍ ଏହି ମାସରେ ପ୍ରଶଂସକମାନଙ୍କୁ ପ୍ରତିଶ୍ରୁତି ଦେଇଥିଲେ ‘ପ୍ରତ୍ୟେକ ମଜାଦାର ଦିନ ସହିତ ଆମର ପରିବାର ବଢ଼ିବ ।’ ନଭଜୋତ ସିଂହ ସିଦ୍ଧୁଙ୍କ ଫେରିବା ପରେ, କମେଡି କିଙ୍ଗ କପିଲ୍ ଶର୍ମା କହିଛନ୍ତି, ଆମେ ପ୍ରତିଶ୍ରୁତି ଦେଇଥିଲୁ ଯେ ପ୍ରତି ଶୁକ୍ରବାର ଆମ ପରିବାର ବଢ଼ିବ ଏବଂ ମୁଁ ବହୁତ ଖୁସି ଯେ ସିଦ୍ଧୁ ପାଜୀ ମଧ୍ୟ ଅର୍ଚ୍ଚନା ଜୀ ସହିତ ଏହି ପରିବାରର ଏକ ଅଂଶ ହୋଇଛନ୍ତି । ଏବେ ଆମେ ସମସ୍ତେ ଏକାଠି ବହୁତ ମଜାଦାର କଥାବାର୍ତ୍ତା, ଶାୟରୀ ଏବଂ ମସ୍ତି କରିବୁ ।
