ପୁରୀ, : ପୁରୀର ସମୁଦ୍ର ଏବଂ ଏହାର ବେଳାଭୂମି କେବଳ ପର୍ଯ୍ୟଟନ ପାଇଁ ନୁହେଁ, ବରଂ ପରମ୍ପରା ଏବଂ ସେବାର ଏକ ଉଦାହରଣ । ଏଠାରେ, ନୋଳିଆ ସମ୍ପ୍ରଦାୟର ଲୋକମାନେ ଗତ ଶହେ ବର୍ଷ ଧରି ସମୁଦ୍ରରେ ସ୍ନାନ କରିବାକୁ ଆସୁଥିବା
ଲୋକଙ୍କ ଜୀବନ ରକ୍ଷା ପାଇଁ କାର୍ଯ୍ୟ କରିଆସୁଛନ୍ତି । ଆଦାନୀ ଗ୍ରୁପ ପକ୍ଷରୁ ପୁରୀରେ ରଥଯାତ୍ରା ସମୟରେ ପ୍ରଦାନ
କରାଯାଉଥିବା ପ୍ରସାଦ ସେବା କାର୍ଯ୍ୟକ୍ରମରେ ସାମିଲ ହେବା ଅବସରରେ ଆଦାନୀ ଗ୍ରୁପର ଅଧ୍ୟକ୍ଷ ଗୌତମ ଆଦାନୀ ନୋଳିଆ ଲାଇଫଗାର୍ଡମାନଙ୍କୁ ଭେଟିଥିଲେ । ସେ କେବଳ ସେମାନଙ୍କୁ ପ୍ରଶଂସା କରିନଥିଲେ, ବରଂ ସେମାନଙ୍କୁ
ସାହାଯ୍ୟ ମଧ୍ୟ କରିଥିଲେ । ନୋଳିଆ ସମ୍ପ୍ରଦାୟ ହେଉଛନ୍ତି ପୁରୀର ପାରମ୍ପରିକ ମତ୍ସ୍ୟଜୀବୀ ଏବଂ ପ୍ରକୃତ ରକ୍ଷକ । ବର୍ଷ
ବର୍ଷ ଧରି, ଏମାନେ ପର୍ଯ୍ୟଟକ ଏବଂ ଭକ୍ତମାନଙ୍କୁ ସମୁଦ୍ରରେ ବୁଡ଼ିବାରୁ ରକ୍ଷା କରିଆସୁଛନ୍ତି । ଆଜି, ପୁରୀରେ ୪୫୦
ରୁ ଅଧିକ ନୋଳିଆ ଲାଇଫଗାର୍ଡ ଭାବେ କାର୍ଯ୍ୟ କରୁଛନ୍ତି । ପୂର୍ବରୁ ଏହି ଏମାନେ ବିଭିନ୍ନ ଗୋଷ୍ଠୀରେ କାମ କରୁଥିଲେ । କିନ୍ତୁ ବର୍ତ୍ତମାନ ସେମାନେ ଛଅଟି ସଂଗଠନ ସହିତ ପୁରୀ ବିଚ୍ ଲାଇଫଗାର୍ଡ ମହାସଂଘ ଅଧୀନରେ ଏକତ୍ରିତ ହୋଇଛନ୍ତି । ବେଳାଭୂମିରେ ସେମାନେ ଉପସ୍ଥିତ ରହି ପ୍ରତିଦିନ ହଜାର ହଜାର ଲୋକଙ୍କୁ ସୁରକ୍ଷା ଯୋଗାଇ ଦେଇଆସୁଛନ୍ତି । ଗୌତମ ଆଦାନୀ ନୋଳିଆମାନଙ୍କୁ ଭେଟିବା ସମୟରେ ସେମାନେ ଅନେକ ସମୟରେ ଉପଯୁକ୍ତ ତାଲିମ ଏବଂ
ଆବଶ୍ୟକୀୟ ଉପକରଣ ବିନା କାମ କରୁଥିବା ଜଣାଇଥିଲେ । ଗୌତମ ଆଦାନୀ ଏହି ସାହସୀ ଲାଇଫଗାର୍ଡମାନଙ୍କୁ କଥା ଶୁଣିଥିଲେ ଏବଂ ସାହାଯ୍ୟ କରିବାର ଆଶ୍ୱାସନା ଦେଇଥିଲେ । ଆଦାନୀ ଗ୍ରୁପ୍ ଦ୍ୱାରା ଲାଇଫଗାର୍ଡମାନଙ୍କୁ ଲାଇଫ ଜ୍ୟାକେଟ୍, ଦଉଡି, ଟର୍ଚ୍ଚ ଏବଂ ଅନ୍ୟାନ୍ୟ ଆବଶ୍ୟକୀୟ ଜିନିଷ ପ୍ରଦାନ କରାଯାଇଥିଲା । ଏହା ସହିତ,
ପୌରପାଳିକାର ସଫେଇ କର୍ମ·ରୀମାନଙ୍କୁ ଫ୍ଲୋରୋସେଣ୍ଟ ସୁରକ୍ଷା ଜ୍ୟାକେଟ୍ ଏବଂ ଅନ୍ୟାନ୍ୟ ଜିନିଷ ପ୍ରଦାନ କରାଯାଇଛି । ପୁରୀର ଲାଇଫଗାର୍ଡମାନଙ୍କୁ ସାହାଯ୍ୟ କରିବା ପାଇଁ ପଦକ୍ଷେପ ନେବାରେ ଆଦାନୀ ହେଉଛି ପ୍ରଥମ ସଂସ୍ଥା । ଏହି ପଦକ୍ଷେପ କେବଳ ସୁରକ୍ଷା ନୁହେଁ ବରଂ ସେବା ଏବଂ ସମ୍ବେଦନଶୀଳତାର ଏକ ପ୍ରତୀକ । ଗୌତମ ଆଦାନୀ କହିଛନ୍ତି, ପୁରୀର ନୋଳିଆ ଲାଇଫଗାର୍ଡମାନେ ବହୁତ କଠିନ ପରିଶ୍ରମ ଏବଂ ସେବା ମନୋଭାବ ସହିତ କାମ କରନ୍ତି । ଆମେ ସେମାନଙ୍କ ସୁରକ୍ଷା ଏବଂ ସୁବିଧା ପାଇଁ ସର୍ବଦା ସେମାନଙ୍କ ସହିତ ରହିଛୁ । ସମସ୍ତ ନୋଳିଆ
ଲାଇଫଗାର୍ଡଙ୍କ ସେବା କାର୍ଯ୍ୟ ପାଇଁ ପୁରୀର ବେଳାଭୂମି ଆଜି ସୁରକ୍ଷିତ ଏବଂ ସୁନ୍ଦର ହୋଇପାରିଛି । ଏହା ହେଉଛି ସେମାନଙ୍କର ସେବା ଏବଂ ସମ୍ମାନର ଏକ ଜ୍ୱଳନ୍ତ ଉଦାହରଣ । ଗୌତମ ଆଦାନୀଙ୍କ ପଦକ୍ଷେପ ସେମାନଙ୍କୁ କେବଳ ଆବଶ୍ୟକୀୟ ସମ୍ବଳ ଯୋଗାଇ ଦେଇ ନଥିଲା ବରଂ ସେମାନଙ୍କ କାମ ପାଇଁ ସମ୍ମାନ ମଧ୍ୟ ଆଣିଦେଇଥିଲା ।
