ଭୁବନେଶ୍ୱର, : ପରିଚାଳନା କ୍ଷେତ୍ରରେ କର୍ମଚାରୀଙ୍କ ଅଂଶଗ୍ରହଣକୁ ଉତ୍ସାହିତ କରିବା ପାଇଁ ପଦକ୍ଷେପର ଏକ ଅଂଶ ସ୍ୱରୂପ, ପୂର୍ବ ତଟ ରେଳପଥ ବୁଧବାର ଏହାର ମୁଖ୍ୟାଳୟ, ରେଳ ସଦନରେ ଏକ ପରିଚାଳନା କ୍ଷେତ୍ରରେ ରେଳ କର୍ମଚାରୀଙ୍କ ଅଂଶଗ୍ରହଣ ବୈଠକ ଆୟୋଜନ କରିଥିଲା । ବୈଠକରେ ସ୍ୱୀକୃତିପ୍ରାପ୍ତ ଟ୍ରେଡ୍ ୟୁନିଅନ୍ ଏବଂ ବିଭିନ୍ନ ସଂଘର ପ୍ରତିନିଧିମାନଙ୍କର ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା । ପିଆରଇଏମ୍ ଫୋରମ୍, ଯାହା ଭାରତୀୟ ରେଳବାଇ ପାଇଁ ଅନନ୍ୟ, ସଂଗଠନର ସୁସଙ୍ଗତ ଏବଂ ଗଠନମୂଳକ ଶିଳ୍ପ ସମ୍ପର୍କକୁ ପ୍ରୋତ୍ସାହିତ କରିବାର ପରମ୍ପରାକୁ ପ୍ରତିଫଳିତ କରେ । ବୈଠକର ଅଧ୍ୟକ୍ଷତା କରି, ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ୍ ରେଳ ପରିଚାଳନାକୁ ସୁଦୃଢ଼ ଏବଂ ଉନ୍ନତ କରିବାରେ ସାମୂହିକ ପ୍ରୟାସର ଗୁରୁତ୍ୱ ଉପରେ ଆଲୋକପାତ କରିଥିଲେ । ବୈଠକରେ ଅତିରିକ୍ତ ମହାପ୍ରବନ୍ଧକ ବି. ଏସ୍. କେ. ରାଜକୁମାର ଏବଂ ପୂର୍ବତଟ ରେଳପଥର ପ୍ରମୁଖ ବିଭାଗ ମୁଖ୍ୟମାନେ ମଧ୍ୟ ଯୋଗ ଦେଇଥିଲେ ।ଏହି ଅଧିବେଶନର ସଂଯୋଜନା ଉପ ମହାପ୍ରବନ୍ଧକ କେ. କେ. ଖାଡଙ୍ଗା କରିଥିଲେ ।
