ମୁମ୍ବାଇ, : ତରୁଣ ମନସୁଖାନୀଙ୍କ ନିର୍ଦ୍ଦେଶିତ ହାଉସଫୁଲ ୫ ଗତ ୬ତାରିଖରେ ରିଲିଜ ହୋଇଛି । ଏହି ଫିଲ୍ମ ମାତ୍ର ୪ ଦିନରେ ୧୦୦କୋଟି ଟଙ୍କା ଅତିକ୍ରମ କରିଥିଲା କିନ୍ତୁ ଏବେ ଏହାର ହ୍ରାସ ପାଇଛି ରୋଜଗାର । ରିପୋର୍ଟ ଅନୁଯାୟୀ, ସାରା ବିଶ୍ୱରେ କଲେକ୍ସନ ବିଷୟରେ କହିବାକୁ ଗଲେ, ନିର୍ମାତାମାନେ ସେମାନଙ୍କର ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ଏହାର ସଂଖ୍ୟା ସେୟାର କରିଛନ୍ତି । ଯାହା ଅନୁଯାୟୀ ଗୋଟିଏ ସପ୍ତାହରେ ଫିଲ୍ମର ସାରା ବିଶ୍ୱରେ କଲେକ୍ସନ ୧୯୧.୭୩ କୋଟି ଟଙ୍କା ପହଞ୍ଚିଛି । ଅଷ୍ଟମ ଦିନରେ ଫିଲ୍ମଟି ଏପର୍ଯ୍ୟନ୍ତ କେବଳ ୬ କୋଟି ଟଙ୍କା ଆୟ କରିଛି । ଏହା ସହ ମୋଟ କଲେକ୍ସନ୧୩୩.୨୫ କୋଟି ଟଙ୍କାରେ ପହଞ୍ଚିଛି । ତେବେ ହାଉସଫୁଲ ୫ ହେଉଛି ହାଉସଫୁଲ ଫ୍ରାଞ୍ଚାଇଜର ପଞ୍ଚମ ଫିଲ୍ମ । ଏହା ଏକ ଲଗଜରୀ କ୍ରୁଜ୍ ଜାହାଜ ଉପରେ ଆଧାରିତ । ଏହି ଜାହାଜରେ ଜଣେ କୋଟିପତିଙ୍କୁ ରହସ୍ୟମୟ ଭାବରେ ହତ୍ୟା କରାଯାଇଛି । ଏହା ପରେ, ହତ୍ୟାକାରୀଙ୍କୁ ଖୋଜିବା ସମୟରେ ବହୁତ କମେଡି ଏବଂ ଡ୍ରାମା ଦେଖିବାକୁ ମିଳେ । ମଜାଦାର କଥା ହେଉଛି ଫିଲ୍ମରେ ଦୁଇଟି ଭିନ୍ନ କ୍ଲାଇମାକ୍ସଅଛି, ହାଉସଫୁଲ ୫ଏ ଏବଂ ହାଉସଫୁଲ ୫ବି । ଉଭୟରେ କ୍ଲାଇମାକ୍ସ ଭିନ୍ନ ଭାବରେ ଦେଖାଯାଇଛି, ଯାହା ଯୋଗୁଁ ଦର୍ଶକ ଉତ୍ସାହର ସହିତ ଫିଲ୍ମ ଦେଖିବାକୁ ଯାଉଛନ୍ତି ।
