ଭୁବନେଶ୍ୱର : କୋଭିଡରେ ଚିକିତ୍ସିତ ହୋଇ ମୃତ୍ୟୁବରଣ କରୁଥିବା ରୋଗୀଙ୍କର ରିପୋର୍ଟ କୋଭିଡ ନେଗେଟେିଭ ହୋଇଥିଲେ ସେମାନଙ୍କ ପରିବାର ଲୋକେ ବର୍ତ୍ତମାନ ତାଙ୍କର ଶବ ନେବା ସହିତ ଶେଷ ରୀତିନୀତି କରିପାରିବେ । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପି.କେ ମହାପାତ୍ର କୋଭିଡରେ ଚିକିତ୍ସିତ ହେଉଥିବା ରୋଗୀଙ୍କ ଶବ ବ୍ୟବଚ୍ଛେଦ ପାଇଁ ନୂତନ ନିୟମ ପାଳନ କରିବାକୁ ଜିଲ୍ଲାପାଳ, ମ୍ୟୁନିସିପାଲିଟି କମିଶନର ତଥା ମୁଖ୍ୟ ଜିଲ୍ଲା ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ବର୍ତ୍ତମାନ ସରକାରୀ ନିର୍ଦ୍ଦେଶାବଳୀ ଅନୁଯାୟୀ, କୋଭିଡ -୧୯ ପାଇଁ ଚିକିତ୍ସା ସମୟରେ ମୃତ୍ୟୁବରଣ କରିଥିବା ରୋଗୀର ମୃତଦେହ ସ୍ଥାନୀୟ କର୍ତ୍ତୃପକ୍ଷଙ୍କ ଦ୍ୱାରା ପରିବାର ସଦସ୍ୟଙ୍କ ପରାମର୍ଶ କ୍ରମେ ସମସ୍ତ କୋଭିଡ -୧୯ ପ୍ରୋଟୋକଲ ପାଳନ କରି ସମ୍ମାନଜନକ ଭାବେ ଦାହ କରାଯାଉଛି ।
ଯଦି ମୃତ୍ୟୁ ସମୟରେ ରୋଗୀ କୋଭିଡ ନେଗେଟିଭ ବୋଲି ଜଣାପଡେ ଏବଂ ଯଦି ରୋଗୀର ସମ୍ପର୍କୀୟମାନେ ମୃତଦେହ ଦାବି କରନ୍ତି, ତେବେ ଅଧିକାରୀଙ୍କ ପରାମର୍ଶକ୍ରମେ ମୃତଦେହକୁ ସିଲ୍ ହୋଇଥିବା ବ୍ୟାଗରେ ହସ୍ତାନ୍ତର କରିବାକୁ ଅଧିକାରୀମାନଙ୍କୁ କୁହାଯାଇଛି । ପରିବାର ସଦସ୍ୟମାନେ ସେମାନଙ୍କର ପାରମ୍ପାରିକ ରୀତିନୀତି ଅନୁଯାୟୀ କରିପାରିବେ ବୋଲି ଶ୍ରୀ ମହପାତ୍ର କହିଛନ୍ତି । ମୃତଦେହକୁ କିଛି ଆନୁଷ୍ଠାନିକତା ସହିତ ହସ୍ତାନ୍ତର କରାଯାଇପାରିବ । ପରିବାର ସଦସ୍ୟ ଚାହିଁଲେ କୋଭିଡ ପ୍ରୋଟୋକଲ ପାଳନ କରିବା ଯଥା ବ୍ୟାଗ ଖୋଲିବା କିମ୍ବା ମୃତ ଶରୀରକୁ ଛୁଇଁବା କିମ୍ବା ଚୁମ୍ବନ ଦେବା, କୋଭିଡ ଉପଯୁକ୍ତ ମାର୍ଗଦର୍ଶିକା ବଜାୟ ରଖିବା ପାଇଁ ଲିଖିତ ପ୍ରତିଶ୍ରୁତି ଦେଲେ ସେମାନଙ୍କୁ ମୃତ ଶରୀର ପ୍ରଦାନ କରାଯିବ ବୋଲି ଏସିଏସ୍ କହିଛନ୍ତି । ପରିବାର ସଦସ୍ୟଙ୍କୁ ହସ୍ତାନ୍ତର କରିବା ପୂର୍ବରୁ ଭାରତ ସରକାରଙ୍କ ନିର୍ଦ୍ଦେଶାବଳୀ ଅନୁଯାୟୀ ମୃତଦେହକୁ ପରିମଳ ଏବଂ ପ୍ୟାକ୍ କରିବାକୁ ଜିଲ୍ଲା ଓ ପୌପାଳିକା କର୍ତ୍ତୃପକ୍ଷଙ୍କୁ କୁହାଯାଇଛି ।