ଭୁବନେଶ୍ୱର, : ଆଜିର ଡିଜିଟାଲ୍ ମିଡିଆ ଯୁଗରେ, ଏକ ଖବରକାଗଜ ପାଇଁ ଏହାର ଅସ୍ତିତ୍ୱ ବଜାୟ ରଖିବା ଅତ୍ୟନ୍ତ କଷ୍ଟକର । ଏହିଭଳି ଏକ ଘଡିସନ୍ଧି ମୁହୂର୍ତ୍ତରେ ‘ଡ଼ୁମାଣୀ ମେଲ’ ସଫଳତାର ସହ ତାହାର ଜନ୍ମ ବାର୍ଷିକୀ ପାଳନ କରିଛି । ଜୟଦେବ ଭବନରେ ଆୟୋଜିତ ଏହି ବର୍ଣ୍ଣାଢ୍ୟ କାର୍ଯ୍ୟକ୍ରମରେ ପ୍ରଫେସର ବସନ୍ତ କୁମାର ପଣ୍ଡା ମୁଖ୍ୟବକ୍ତା ଭାବରେ ଯୋଗଦେଇ ଜାତୀୟ ଶିକ୍ଷା ନୀତି ୨୦୨୦ ଉପରେ ଆଲୋକପାତ କରିଥିଲେ । ସେ କହିଥିଲେ ଯେ, ଏହା ମାତୃଭାଷାରେ ଶିକ୍ଷାର ଉପଲବ୍ଧତା ଉପରେ ଅଧିକ ଗୁରୁତ୍ୱ ଦେଉଛି । ଭାରତରେ ଅନେକ ଭାଷା ରହିଛି । ବହୁଭାଷୀ ଶିକ୍ଷା ଢାଞ୍ଚା, ଜ୍ଞାନାତ୍ମକ ଏବଂ ସାଂସ୍କୃତିକ ବିବିଧତାକୁ ପ୍ରୋତ୍ସାହିତ କରିବା ସହିତ ଭାରତର ଭାଷାଗତ ବିବିଧତାକୁ ଗ୍ରହଣ କରିବା ଦିଗରେ ଏନଇପି ଏକ ସାହସିକ ପଦକ୍ଷେପ ବୋଲି ସେ କହିଥିଲେ । ସମ୍ମାନିତ ଅତିଥି ଭାବେ ଯୋଗ ଦେଇ ବିଶିଷ୍ଟ ସାମ୍ବାଦିକ ସନ୍ଦୀପ ସାହୁ କହିଲେ ଯେ ବର୍ତ୍ତମାନର ଓଡ଼ିଶାରେ ଶିକ୍ଷା କ୍ଷେତ୍ରର ସ୍ଥିତି ଶୋଚନୀୟ । ସେ ନେଇ ଚିନ୍ତା ବ୍ୟକ୍ତ କରିଥିଲେ । ସେ କହିଥିଲେ ଯେ ପଞ୍ଚମ ଶ୍ରେଣୀ ପରେ ଗ୍ରାମାଞ୍ଚଳର ବିଦ୍ୟାଳୟଗୁଡ଼ିକରେ ଗୁରୁତର ଡ୍ରପ୍ଆଉଟ୍ ହେଉଛି । ପିଲାଟି କୌଣସି ପ୍ରକାରେ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଯିବାରେ ସଫଳ ହେଉଛି । କିନ୍ତୁ ମାଧ୍ୟମିକ ସ୍ତରରେ ପିଲାମାନେ ପାଠ ପଢା ଛାଡ଼ୁଛନ୍ତି । ଯଦି ଏହା ଏହିପରି ଜାରି ରହେ, ତେବେ ଆଗାମୀ ବର୍ଷମାନଙ୍କରେ ରାଜ୍ୟରେ ଅନେକ ଅର୍ଦ୍ଧଶିକ୍ଷିତ ଯୁବକ-ଯୁବତୀ ସୃଷ୍ଟି ହେବେ । ଏଣୁ ଆମ ସମସ୍ତଙ୍କୁ ଏ ବିଷୟରେ ଚିନ୍ତା କରିବାର ଆବଶ୍ୟକତା ରହିଛି । ସମ୍ମାନନୀୟ ଅତିଥି ଭାବେ ଉତ୍କଳ ସାମ୍ବାଦିକ ସଙ୍ଗଠନର ସଭାପତି ବିଭୂତି ଭୂଷଣ କର ଯୋଗ ଦେଇ ମୁଦ୍ରିତ ଗଣମାଧ୍ୟମ ଓଡିଶାରେ କିଭଳି ସଂଘର୍ଷ କରୁଛି ତାହା ଉଲ୍ଲେଖ କରିଥିଲେ । ସ୍ତମ୍ଭକାର ତେଜେଶ୍ୱର ପଟ୍ଟାନାୟକ କହିଲେ ଯେ ‘ଡ଼ୁମାଣୀ ମେଲ’ କେବଳ ଓଡିଶାରେ ନୁହେଁ ଓଡିଶା ବାହାରେ ବି ଲୋକପ୍ରିୟ ହୋଇପାରିଛି । କୁଳମଣି ବିଶ୍ୱାଳ ଏହାର ସଫଳତା କାମନା କରିଥିଲେ । ରାଷ୍ଟ୍ର ନିର୍ମାଣରେ ସମ୍ବାଦପତ୍ରର ଗୁରୁତ୍ୱ ଏବଂ ଓଡ଼ିଶା ଭଳି ଏକ ବିକଶିତ ରାଜ୍ୟର ଭୂମିକା ଉପରେ ବକ୍ତାମାନେ ଆଲୋଚନା କରିଥିଲେ । ‘ଡ଼ୁମାଣୀ ମେଲ’ର ସମ୍ପାଦକ ତଥା ଡ଼ୁମାଣୀ ମିଡିଆ
ହାଉସର ଅଧ୍ୟକ୍ଷ ଡକ୍ଟର ଅକ୍ଷୟ କୁମାର ପଟ୍ଟାନାୟକ ସ୍ୱାଗତ ଭାଷଣ ପ୍ରଦାନ କରିଥିଲେ ଏବଂ ଏହାର ଭବିଷ୍ୟତ ଯୋଜନା ଉପରେ ଆଲୋକପାତ କରିଥିଲେ । ଡ଼ୁମାଣୀ ମେଲର ପରିଚାଳନା ସମ୍ପାଦକ ଭାସ୍କର ପରିଛା ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ସାମାଜିକ କର୍ମୀ ସଞ୍ଜୀବ କୁମାର ଜେନା ଏବଂ ଦେବବ୍ରତ ଦାଶଙ୍କୁ ସମ୍ମାନିତ କରାଯାଇଥିଲା । ଉତ୍କଳ ବିଶ୍ୱବିଦ୍ୟାଳୟର ସାମ୍ବାଦିକତା ବିଭାଗର ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ଏବଂ ସେମାନଙ୍କ ବିଚାର ଉପସ୍ଥାପନ କରିଥିଲେ । ଏହି ପଞ୍ଚମ ସ୍ୱନକ୍ଷତ୍ର କାର୍ଯକ୍ରମରେ ଅନେକ ବିଶିଷ୍ଟ ବ୍ୟକ୍ତି, ଲେଖକ, କବି, ପାଠକ ଏବଂ ଶୁଭଚିନ୍ତକ ଯୋଗ ଦେଇଥିଲେ । ସିଇଓ ସୀମାଞ୍ଚଳ ପଟ୍ଟାନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପଞ୍ଚମ ଜନ୍ମ ବାର୍ଷିକୀ ସଫଳତାର ସହ ପାଳନ ହୋଇଥିଲା । ଦୂରଦର୍ଶନର ଉପସ୍ଥାପିକା ଆନି ଶତପଥ
