ନୂଆଦିଲ୍ଲୀ : ଇଣ୍ଡୋ-ତିବ୍ଦତୀୟ ପୋଲିସ୍ ଫୋର୍ସ (ଆଇଟିବିପି) ମେ ଏବଂ ଜୁନ୍ ୨୦୨୦ ମାସରେ ପୂର୍ବ ଲଦାଖରେ ଚୀନ୍ ସୈନ୍ୟଙ୍କ ସହ ସଂଘର୍ଷ ସମୟରେ ସାହସର ସହ ସଂଗ୍ରାମ କରିଥିବା ସେହି ସୈନିକମାନଙ୍କୁ ଗାଲାଣ୍ଟ୍ରି ପୁରସ୍କାର ସୁପାରିଶ କରିଛି । ଆଇଟିବିପି ମହାନିର୍ଦ୍ଦେଶକ ଏସ୍ ଡେସୱାଲ୍ ୨୧ ଗାଲାଣ୍ଟ୍ରି ପୁରସ୍କାର ପାଇଁ ସୁପାରିଶ କରିଛନ୍ତି । ଲଦାଖ ସୀମାରେ ଚୀନ୍ ସୈନ୍ୟଙ୍କ ସହ ସଂଘର୍ଷ ସମୟରେ ଏହି ସୈନିକମାନେ କେବଳ ଢ଼ାଲ ହୋଇନଥିଲେ, ବରଂ ଚୀନ୍ ଆର୍ମି ପିପୁଲ୍ସ ଲିବରେସନ୍ ଆର୍ମିର ସୈନିକମାନଙ୍କ ସହ ମଧ୍ୟ ସଂଘର୍ଷ କରି ପରିସ୍ଥିତିକୁ ନିଜ ଅଧୀନରେ ରଖିଥିଲେ । ଏହା ସହ ଆଇଟିବିପି ଯବାନମାନେ ସେନାର ଆହତ ସୈନିକମାନଙ୍କୁ ମଧ୍ୟ ଫେରାଇ ଆଣିଥିଲେ । ଏହି ଆଇଟିବିପି ସୈନିକମାନେ ଚୀନ୍ ସେନା ବିରୋଧରେ ରାତିସାରା ଯୁଦ୍ଧ କରିଥିଲେ । ଜବାବମାନେ ମଧ୍ୟ ପିଏଲଏ ଦ୍ୱାରା କରାଯାଇଥିବା ପଥର ଫିଙ୍ଗିବା ଉପରେ ପ୍ରତିକ୍ରିୟା ଦେଇଛନ୍ତି । ଏହି ସୈନିକମାନେ ପ୍ରାୟ ୧୭ ରୁ ୨୦ ଘଣ୍ଟା ପର୍ଯ୍ୟନ୍ତ ଚୀନ୍ ସେନା ସହିତ ଲଢ଼ିଥିଲେ ।
