ଆଜି ଭାରତ ବନ୍ଦ

80

ନୂଆଦିଲ୍ଲୀ : ସଂଯୁକ୍ତ କିସାନ ମୋର୍ଚ୍ଚା କେନ୍ଦ୍ର ସରକାରଙ୍କ ୩ କୃଷି ଆଇନ ବିରୁଦ୍ଧରେ ସେପ୍ଟେମ୍ବର ୨୭ରେ ଭାରତ ବନ୍ଦର ଡାକରା ଦେଇଛି । ସକାର ୬ଟାରୁ ସନ୍ଧ୍ୟା ୪ ପର୍ଯ୍ୟନ୍ତ ଦୀଲ୍ଲିର ରାସ୍ତାରେ ଧାରଣାରେ ବସିବେ କୃଷକ । ଆନ୍ଦୋଳନ ପାଇଁ ଗାଁରୁ ଚାଷୀ ମାନଙ୍କୁ ଡକାଯାଇଛି । ୪୦ କୃଷକ ସଂଗଠନର ଏକ ସଂଗଠନ ସଞ୍ଜୁକ୍ତ କିସାନ୍ ମୋର୍ଚ୍ଚା ଦେଶର ସମସ୍ତ ଲୋକଙ୍କୁ ଏହି ବନ୍ଦରେ ଯୋଗଦେବାକୁ ନିବେଦନ କରିଛି । ଏହା ସହିତ ସମସ୍ତ ରାଜନେତିକ ଦଳ ଏବଂ ରାଜ୍ୟ ସରକାରଙ୍କୁ ମଧ୍ୟ ଭାରତ ବନ୍ଦରେ ଯୋଗଦେବା ପାଇଁ ଆଗରୁ ଆବେଦନ କରାଯାଇଛି । ଭାରତ ବନ୍ଦକୁ ଦୃଷ୍ଟିରେ
ରଖି ଦିଲ୍ଲୀରେ ବିସ୍ତୃତ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଚାଲିଥିବା ଆନ୍ଦୋଳନର ୧୦ମାସ ଶେଷ ହେବା ପରେ ସଞ୍ଜୁକ୍ତ କିସାନ୍ ମୋର୍ଚ୍ଚା ମୋଦୀ ସରକାରଙ୍କ ବିରୋଧରେ ଭାରତ ବନ୍ଦର ଆହ୍ୱାନ ଦେଇଛି । ଭାରତୀୟ କିସାନ ୟୁନିଅନ ୟୁପି ରାଜ୍ୟ ସଭାପତି ରାଜଭୀର ସିଂ ଯାଦବ କହିଛନ୍ତି ଯେ ଆନ୍ଦୋଳନ ସ୍ଥଳରେ ବହୁ ସଂଖ୍ୟକ କୃଷକ ଉପସ୍ଥିତ ଅଛନ୍ତି । କେବଳ ସେହି କୃଷକମାନେ ଭାରତ ବନ୍ଦରେ ଯୋଗଦେବେ ।

ୟୁପି ଜିଲ୍ଲାର କୃଷକମାନେ ସେଦିନ ଆନ୍ଦୋଳନ ସ୍ଥଳକୁ ଆସିବେ ନାହିଁ । ବନ୍ଦ ସମୟରେ ଆମ୍ବୁଲାନ୍ସ ଏବଂ ଜରୁରିକାଳୀନ ସେବା ବନ୍ଦ ହେବ ନାହିଁ । ଆନ୍ଦୋଳନକାରୀ ଚାଷୀଙ୍କୁ ସ୍ପଷ୍ଟ ନିର୍ଦ୍ଦେଶ ଦିଆଯାଇଛି ଯେ ଆମ୍ବୁଲାନ୍ସର ସାଇରନ୍ ଶବ୍ଦ ଶୁଣିବା ମାତ୍ରେ ଆମ୍ବୁଲାନ୍ସକୁ ତୁରନ୍ତ ରାସ୍ତା ଦିଆଯିବ । ମାଲବାହି ମୋଟର ଯାନକୁ ଦିଲ୍ଲୀ ଭିତରେ କିମ୍ବା ବାହାରେ ଅନୁମତି ଦିଆଯିବ ନାହିଁ । ଅନେକ ବେସରକାରୀ ପରିବହନ ସଙ୍ଗଠନ ମିଳିତ କିସାନ ମୋର୍ଚ୍ଚା ସମର୍ଥନରେ ଏକାଠି ହୋଇଛନ୍ତି । ଏହି କାରଣରୁ ସେହିଦିନ ଦେଶର ରାସ୍ତାରେ ଟ୍ରକ୍ ଇତ୍ୟାଦି ଭାରୀ ମୋଟର ଯାନ ସଂଖ୍ୟାରେ ମଧ୍ୟ କମ୍ ଦେଖିବାକୁ ମିଳିବ । ୟୁପି ସଭାପତି ଜାଦେନ କହିଛନ୍ତି ଯେ ଯଦି ଆନ୍ଦୋଳନକାରୀ ଚାଷୀଙ୍କୁ ହଟାଇବା ପାଇଁ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରେ, ତେବେ ଚାଷୀମାନେ ଜେଲ ଯିବାକୁ ପ୍ରସ୍ତୁତ ଅଛନ୍ତି । ଯାହାବି ହେଇଯାଉ ଭାରତ ବନ୍ଦ ସମୟରେ କୃଷକମାନେ ରାସ୍ତାରୁ ହଟିବେ ନାହିଁ ।

Comments are closed.