ଲୋକସଭାରୁ ଇସ୍ତଫା ଦେଲେ ଅଖିଲେଶ

0 70

ଲକ୍ଷ୍ନୌ: ଲୋକସଭାରୁ ଇସ୍ତଫା ଦେଲେ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଲେଶ ଯାଦବ। ଅଖିଳେଶ ରାମ ଗୋପାଳ ଯାଦବଙ୍କ ସହ ଲୋକସଭା ବାଚସ୍ପତି ଓମ ବିର୍ଲାଙ୍କୁ ଭେଟି ତାଙ୍କ ଇସ୍ତଫା ପତ୍ର ପ୍ରଦାନ କରିଛନ୍ତି।
ସୂଚନାଯୋଗ୍ୟ ଯେ ନିକଟରେ ହୋଇଥିବା ବିଧାନସଭା ନିର୍ବାଚନରେ ​​ଅଖିଳେଶ ଯାଦବ କରହଲ ବିଧାନସଭା ଆସନରୁ ଜିତିଥିଲେ। ବର୍ତ୍ତମାନ ଲୋକସଭାରୁ ଇସ୍ତଫା ଦେବା ପରେ ଏହା ସ୍ପଷ୍ଟ ହୋଇଛି ଯେ ସେ କରହଲ ବିଧାନସଭାରୁ ବିଧାୟକ ରହିବେ। ସେପଟେ ଆଜମ ଖାନ୍‌ ମଧ୍ୟ ଲୋକସଭା ସଦସ୍ୟତାରୁ ଇସ୍ତଫା ଦେଇଛନ୍ତି। ସେ ରାମପୁର ବିଧାନସଭା ସିଟ୍‌ରୁ ବିଧାୟକ ଚୟନ ହୋଇଛନ୍ତି। ଉତ୍ତରପ୍ରଦେଶରେ ନିକଟରେ ହୋଇଥିବା ନିର୍ବାଚନରେ ​​ବିଜେପି ମେଣ୍ଟ ୨୭୩ଟି ଆସନ ପାଇଛି। ତେବେ ସମାଜବାଦୀ ପାର୍ଟି ମେଣ୍ଟକୁ କେବଳ ୧୨୫ଟି ଆସନରେ ସନ୍ତୁଷ୍ଟ ହେବାକୁ ପଡିଛି। କଂଗ୍ରେସ କେବଳ ୨ଟି ଆସନରେ ଜିତିଥିଲା। ଅନେକ ଦିନ ଧରି ୟୁପିର ପରବର୍ତ୍ତୀ ସରକାର ପାଇଁ ଦିଲ୍ଲୀରେ ମାନସମନ୍ଥନ ଚାଲିଥିଲା। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଦିଲ୍ଲୀରେ ଥିଲେ। ସୂଚନାନୁସାରେ, ଯୋଗୀ ଆଦିତ୍ୟନାଥ ମାର୍ଚ୍ଚ ୨୫ରେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ।

Leave A Reply

Your email address will not be published.