ନୂଆଦିଲ୍ଲୀ,ଏକ ଭକ୍ତିପୂର୍ଣ୍ଣ ପରିବେଶରେ ସୋମବାର ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ନୂତନ ବିଗ୍ରହର ପ୍ରାଣ ପ୍ରତିଷ୍ଠା ସମ୍ପନ୍ନ ହୋଇଛି। ନିଜ ଜନ୍ମଭୂମିରେ ବିରାଜମାନ ହୋଇଛନ୍ତି ରାମଲାଲା। ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ରୀତିନୀତିରେ ମୁଖ୍ୟ କର୍ତ୍ତା ଭାବେ ଯୋଗ ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଦେଶ ଓ ବିଦେଶରେ କୋଟି କୋଟି ଶ୍ରଦ୍ଧାଳୁ ଟିଭିରେ ପ୍ରାଣ ପ୍ରତିଷ୍ଠା ଉତ୍ସବ ଦେଖିଥିଲେ। ପ୍ରାଣ ପ୍ରତିଷ୍ଠା ବେଳେ ସେନା ହେଲିକପ୍ଟରଗୁଡ଼ିକ ନବ ନିର୍ମିତ ରାମ ଜନ୍ମଭୂମି ମନ୍ଦିରରେ ଫୁଲ ବର୍ଷା କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ମୁହୂର୍ତ୍ତକୁ ଅଲୌକିକ ବୋଲି କହିଛନ୍ତି । ପ୍ରଧାନମନ୍ତ୍ରୀ “ଏକ୍ସ’ରେ ଏକ
ପୋଷ୍ଟରେ କହିଛନ୍ତି, ଅଯୋଧ୍ୟା ଧାମରେ ଶ୍ରୀ ରାମଲାଲାଙ୍କ ପ୍ରାଣ ପ୍ରତିଷ୍ଠାର ଅଲୌକିକ ମୁହୂର୍ତ୍ତ ସମସ୍ତଙ୍କୁ ଭାବପ୍ରବଣ କରିବ। ଏହି ଦିବ୍ୟ କାର୍ଯ୍ୟକ୍ରମର ଅଂଶବିଶେଷ ହେବା ସିଧା ପ୍ରସାରଣ ଦେଖିଲେ ମୁଖ୍ୟମନ୍ତ୍ରୀ ଓ ୫-ଟି ଅଧ୍ୟକ୍ଷ ମୋର ପରମ ସୌଭାଗ୍ୟ ଜୟ ସିଆ ରାମ। ସୁନେଲି ରଙ୍ଗର କୁର୍ତ୍ତା, କ୍ରିମ୍ ରଙ୍ଗର ଧୋତି ଏବଂ ଉତ୍ତରୀୟ ପରିଧାନ କରି ପ୍ରଧାନମନ୍ତ୍ରୀ ମୋଦୀ ନବନିର୍ମିତ ରାମ ମନ୍ଦିରର ମୁଖ୍ୟ
ଦ୍ୱାରରୁ ଖାଲିାଦରେ ଯାଇ ଗର୍ଭଗୃହରେ ପ୍ରବେଶ କରିଥିଲେ। ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ତାଙ୍କ ହାତରେ ନାଲି ରଙ୍ଗର କପଡ଼ାରେ ଗୁଡ଼ାଯାଇଥିବା ଏକ ରୂା ଛତା ରାମଲାଲାଙ୍କ ପାଇଁ ଆଣିଥିଲେ।
ଉତ୍ତରପ୍ରଦେଶ ରାଜ୍ୟପାଳ ଆନନ୍ଦୀବନ ପଟେଲ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ରାଷ୍ଟ୍ରୀୟ ସ୍ୱୟଂସେବକ ସଂଗଠନ ମୁଖ୍ୟ ମୋହନ ଭାଗବତଙ୍କ ଉପସ୍ଥିତିରେ ପ୍ରାଣ ପ୍ରତିଷ୍ଠା ରୀତିନୀତି ସମ୍ପାଦନ କରିଥିଲେ। ରାମ ଲାଲାର ନୂତନ ବିଗ୍ରହର ପ୍ରାଣ ପ୍ରତିଷ୍ଠା ଅପରାହ୍ନ ୧୨:୩୦ ରେ ହୋଇଥିଲା। ଆସନ୍ତାକାଲି ଠାରୁ ସର୍ବସାଧାରଣ ରାମଲାଲାଙ୍କ ଦର୍ଶନ କରିପାରିବେ। ପ୍ରାଣ ପ୍ରତିଷ୍ଠା ଉତ୍ସବରେ ରାଜନେତାଙ୍କ ସହ ବିଶିଷ୍ଟ ଶିଳ୍ପପତି, ଚଳଚ୍ଚିତ୍ର ଅଭିନେତା, କ୍ରୀଡ଼ାବିତ୍, ଅମଲାତନ୍ତ୍ରୀ ଏବଂ କୂଟନୀତିଜ୍ଞଙ୍କ ସହ ୭,୦୦୦ରୁ ଅଧିକ ବ୍ୟକ୍ତି ଯୋଗ ଦେଇଥିଲେ। ଏଥିରେ ୫୦ରୁ ଊର୍ଦ୍ଧ୍ୱ ଦେଶର ଅତିଥି ମଧ୍ୟ ସାମିଲ ହୋଇଥିଲେ। ପ୍ରାଣ ପ୍ରତିଷ୍ଠା ସମାରୋହରେ ରାମ ଜନ୍ମଭୂମି ମନ୍ଦିର ଆନ୍ଦୋଳନ ସହ ଜଡ଼ିତ କରସେବକ ବି ଯୋଗ ଦେଇଥିଲେ। ବିଜେପି ସଭାପତି ଜେପି ନଡ୍ଡା ଏବଂ କେନ୍ଦ୍ର ମନ୍ତ୍ରୀ ଅମିତ
ଶାହାଙ୍କ ସମେତ ବରିଷ୍ଠ ନେତାମାନେ କୌଣସି କାରଣରୁ ଅଯୋଧ୍ୟା ଯାଇନଥିଲେ। ତେବେ ଉଭୟ ପ୍ରାଣ ପ୍ରତିଷ୍ଠା ସମାରୋହର ସିଧା ପ୍ରସାରଣ ଦେଖିଥିଲେ। ବିରୋଧୀ ଦଳର ବରିଷ୍ଠ ନେତାମାନେ ଏହି
କାର୍ଯ୍ୟକ୍ରମରେ ଯୋଗ ଦେଇନଥିଲେ। ମୋଦିଙ୍କ ସମ୍ବୋଧନ ଅଯୋଧ୍ୟାରେ ପ୍ରଭୁ ରାମଲାଲା ବିଜାରିତ ହୋଇଛନ୍ତି। ଶହ ଶହ ବର୍ଷ ଅପେକ୍ଷାର ଅନ୍ତ ଘଟିଛି। କେବଳ ଅଯୋଧ୍ୟା ନୁହେଁ ସମଗ୍ର ଭାରତ ବର୍ଷ ଆଜି ରାମମୟ ହୋଇଯାଇଛି। ମୁଖ୍ୟ ଯଜମାନ ଭାବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଭୁଙ୍କ ପ୍ରାଣ ପତିଷ୍ଠା କରାଇଛନ୍ତି। ଏହାପରେ ଦେଶବାସୀଙ୍କୁ ସମ୍ବୋଧିତ କରି ରାମ ଆସିଗଲେ ବୋଲି କହିଛନ୍ତି । ପ୍ରଧାନମନ୍ତ୍ରୀଙ୍କ ଭାଷଣ ରାମ-ରାମରୁ ଆରମ୍ଭ ହୋଇ ଜୟ ଶ୍ରୀରାମରେ ଶେଷ ହୋଇଥିଲା।ମୋଦିଙ୍କ ସମ୍ବୋଧନ ଅଯୋଧ୍ୟାରେ ପ୍ରଭୁ ରାମଲାଲା ବିଜାରିତ ହୋଇଛନ୍ତି। ଶହ ଶହ ବର୍ଷ ଅପେକ୍ଷାର ଅନ୍ତ ଘଟିଛି। କେବଳ ଅଯୋଧ୍ୟା ନୁହେଁ ସମଗ୍ର ଭାରତ ବର୍ଷ ଆଜି ରାମମୟ ହୋଇଯାଇଛି। ମୁଖ୍ୟ ଯଜମାନ ଭାବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଭୁଙ୍କ ପ୍ରାଣ ପତିଷ୍ଠା କରାଇଛନ୍ତି। ଏହାପରେଦେଶବାସୀଙ୍କୁ ସମ୍ବୋଧିତ କରି ରାମ ଆସିଗଲେ ବୋଲି କହିଛନ୍ତି । ପ୍ରଧାନମନ୍ତ୍ରୀଙ୍କ ଭାଷଣ ରାମ-ରାମରୁ ଆରମ୍ଭ ହୋଇ ଜୟ ଶ୍ରୀରାମରେ ଶେଷ ହୋଇଥିଲା।
