ମୁମ୍ବାଇ ପୋଲିସ ଉପରେ ମୋର ସମ୍ପୂର୍ଣ୍ଣ ବିଶ୍ୱାସ ଅଛି : ଶରଦ ପାୱାର

0 79

ମୁମ୍ବାଇ : ଅଭିନେତା ସୁଶାନ୍ତ ସିଂ ରାଜପୁତଙ୍କ ମାମଲାରେ ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ମୁଖ୍ୟ ଶରଦ ପାୱାର କହିଛନ୍ତି ଯେ ମୁମ୍ବାଇ ପୋଲିସ ଉପରେ ମୋର ସମ୍ପୂର୍ଣ୍ଣ ବିଶ୍ୱାସ ଅଛି । ମୁଁ ମୁମ୍ବାଇ ପୋଲିସକୁ ୫୦ ବର୍ଷ ଧରି ଜାଣିଛି । ଯାହା ଘଟୁଛି ଏବଂ ଯାହା ଆଲୋଚନା ହେଉଛି ତାହା ଠିକ୍ ନୁହେଁ । ଏହା ଏକ ଦୁର୍ଭାଗ୍ୟଜନକ ଘଟଣା ଯେ କେହି ଏହି ଆତ୍ମହତ୍ୟା ଉପରେ ଆଲୋଚନା କରୁଛନ୍ତି କିନ୍ତୁ କୃଷକଙ୍କ ଆତ୍ମହତ୍ୟା ବିଷୟରେ କେହି କହୁ ନାହାଁନ୍ତି । ଏନସିପି ମୁଖ୍ୟ ଶରଦ ପାୱାର କହିଛନ୍ତି ଯେ ଏସବୁ ଘଟଣା ପରେ ମଧ୍ୟ ଯଦି କେହି ସୁଶାନ୍ତ ମାମଲାରେ ସିବିଆଇ ତଦନ୍ତ ଦାବି କରନ୍ତି, ତେବେ ମୁଁ ଏହାକୁ ବିରୋଧ କରିବି ନାହିଁ । ଡେପୁଟି ସିଏମ୍ ଅଜିତ ପାୱାରଙ୍କ ପୁଅ ପାର୍ଥ ପାୱାରଙ୍କ ସିବିଆଇ ତଦନ୍ତ ଦାବିରେ ଶରଦ ପାୱାର କହିଛନ୍ତି ଯେ ସେ ଅପରିପକ୍ୱ, ମୁଁ ତାଙ୍କ ବିବୃତ୍ତିରେ କୌଣସି ପ୍ରତିକ୍ରିୟା ଦେବାକୁ ·ହୁଁନାହିଁ । ଶରଦ ପାୱାରଙ୍କ ପୂର୍ବରୁ ଏନସିପି ନେତା ମାଜିଦ୍ ମେମନ୍ ମଧ୍ୟ ସୁଶାନ୍ତ ମାମଲାରେ ଗଣମାଧ୍ୟମ ଦ୍ୱାରା ଉଠାଯାଇଥିବା ଏହି ପ୍ରଶ୍ନ ଉପରେ ଅନେକ ପ୍ରଶ୍ନ ଉଠାଇଛନ୍ତି । ମାଜିଦ୍ ମେମନ୍ କହିଛନ୍ତି ଯେ ସୁଶାନ୍ତ ତାଙ୍କ ଜୀବନ କାଳରେ ଯେତିକି ପ୍ରସିଦ୍ଧ ନଥିଲେ ସେ ତାଙ୍କ ମୃତ୍ୟୁ ପରେ ମଧ୍ୟ ସେତିକି ପ୍ରସିଦ୍ଧ ନଥିଲେ । ନିକଟରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ପୁଅ ତଥା ଏନସିପି ମୁଖ୍ୟ ଶରଦ ପାୱାରଙ୍କ ନାତି ପାର୍ଥ ଗୃହ ଗୃହମନ୍ତ୍ରୀ ଅନିଲ ଦେଶମୁଖଙ୍କୁ ଭେଟି ଏହି ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ପାର୍ଥ ପାୱାର କହିଛନ୍ତି ଯେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ସଠିକ୍ ଅନୁସନ୍ଧାନ କରାଯିବା ଉଚିତ । ଏହା ସମଗ୍ର ଦେଶର ବିଶେଷ କରି ଯୁବପିଢ଼ୀଙ୍କ ଭାବନା ।

Leave A Reply

Your email address will not be published.