କଂଗ୍ରେସର ହେବ ବଡ଼ ପରିବର୍ତ୍ତନ, ସୋନିଆଙ୍କୁ ୨୩ ବରିଷ୍ଠ ନେତାଙ୍କ ଚିଠି

ନୂଆଦିଲ୍ଲୀ, ୨୩ ।୮ : କଂଗ୍ରେସରେ ବଡ଼ ପରିବର୍ତ୍ତନ ହେବାକୁ ଯାଉଛି । କଂଗ୍ରେସରେ ପରିବର୍ତ୍ତନ ଆଣିବାକୁ ·ହୁଁଥିବା ଦଳର ବରିଷ୍ଠ ୨୩ ନେତା, ସିଡବ୍ଲ୍ୟୁଡିସି ସଦସ୍ୟ, ଦଳର ସାଂସଦ ତଥା ପୂର୍ବତନ ମନ୍ତ୍ରୀ କଂଗ୍ରେସ ମଧ୍ୟବର୍ତ୍ତୀକାଳୀନ ସଭାପତି ସୋନିଆ ଗାନ୍ଧୀଙ୍କୁ ଏକ ଚିଠି ଲେଖିଛନ୍ତି । ସୂତ୍ରରୁ ପ୍ରକାଶ ଯେ ସୋମବାର କଂଗ୍ରେସ ୱାର୍କିଂ କମିଟି (ସିଡବ୍ଲ୍ୟୁଡିସି) ବୈଠକ ହେବାର ସମ୍ଭାବନା ରହିଛି । ଏହି ବୈଠକରେ ସାଂଗଠନିକ ପ୍ରସଙ୍ଗ ଉପରେ ଆଲୋଚନା କରାଯିବ । ଦୁଇ ସପ୍ତାହ ପୂର୍ବରୁ କଂଗ୍ରେସର ମଧ୍ୟବର୍ତ୍ତୀକାଳୀନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଏହି ଚିଠି ଲେଖାଯାଇଥିଲା । ଚିଠିରେ ସ୍ପଷ୍ଟ ଭାବେ ଦର୍ଶାଯାଇଛି ଯେ ଦଳ ଚଳାଇବା ପାଇଁ ପ୍ରଭାବଶାଳୀ କେନ୍ଦ୍ରୀୟ ନେତୃତ୍ୱ ସହିତ ଏକ ସ୍ୱଚ୍ଛ କଟକଣା ରହିବା ଉଚିତ୍ । ଚିଠିରେ ପୁଣିଥରେ ସିଡବ୍ଲ୍ୟୁଡିସିରେ ନିର୍ବାଚନ କରିବା ଏବଂ ଦାୟିତ୍ୱକୁ ପୁନଃ ସ୍ଥିର କରିବାକୁ ଦାବି କରାଯାଇଛି । ଏଥିପାଇଁ ଏକ ପ୍ରଭାବଶାଳୀ ସାମୂହିକ ବ୍ୟବସ୍ଥା ଖୋଜାଯାଇଛି । ସୂଚନାନୁସାରେ ଚିଠିରେ ଜୋର ଦିଆଯାଇଛି ଯେ କଂଗ୍ରେସର ପୁନରୁତ୍ଥାନ ହେଉଛି ଏକ ଜାତୀୟ ଆବଶ୍ୟକତା ଯାହା ସୁସ୍ଥ ଗଣତନ୍ତ୍ର ପାଇଁ ଜରୁରୀ ଅଟେ ଏବଂ ଏହା ଦର୍ଶାଉଛି ଯେ ଦଳ ରାଜନୈତିକ, ସ୍ୱାଧୀନତା ପରେ ଏକ ହ୍ରାସ ଘଟୁଛି । ସାମାଜିକ ଏବଂ ଅର୍ଥନୈତିକ କ୍ଷେତ୍ରରେ କଠିନ ଆହ୍ୱାନର ସମ୍ମୁଖୀନ ହେବାକୁ ପଡୁଛି । ଏଥିରେ ଆହୁରି ମଧ୍ୟ କୁହାଯାଇଛି ଯେ ବିଜେପି କିପରି ଉନ୍ନତ ହୋଇଛି ଏବଂ ଯୁବକମାନେ ଏହାକୁ କିପରି ସମର୍ଥନ କରୁଛନ୍ତି ତାହା ମଧ୍ୟ ଚର୍ଚ୍ଚାର ବିଷୟ ହୋଇଛି । ବ୍ଲକ ସ୍ତରରୁ ସିଡବ୍ଲୁସି ପର୍ଯ୍ୟନ୍ତ ସମସ୍ତ ସ୍ତରରେ ସାଂଗଠନିକ ପରିବର୍ତ୍ତନ ପାଇଁ ଏହି ଚିଠିରେ କୁହାଯାଇଛି ।

Leave a Reply

Your email address will not be published. Required fields are marked *