ଭୁବନେଶ୍ୱର,୨ା୧(ଡିକେ ନ୍ୟୁଜ): ବହୁଚର୍ଚ୍ଚିତ ବ୍ଲାକମେଲିଂ କୁଇନ ଅର୍ଚ୍ଚନା ନାଗ ଗିରଫ ଘଟଣା । ପୁଣିଥରେ ଜେରାର ସମ୍ମୁଖୀନ ହେବେ ଅର୍ଚ୍ଚନା ନାଗ୍ ଓ ଜଗବନ୍ଧୁ ·ନ୍ଦ । ଗୋଟିଏ ଦିନ ଜେରା ପାଇଁ କୋର୍ଟରେ ଆବେଦନ କରିଛି ଇଡି । ଆଜି ଏହି ଇଡି ଆବେଦନର ହୋଇପାରେ ଶୁଣାଣି । ସୂଚନା ଥାଉକି, ୧୪ଦିନିଆ ବି·ର ବିଭାଗୀୟ ହାଜତରେ ଥିବା ଅର୍ଚ୍ଚନା, ଜଗବନ୍ଧୁ ଓ ଖଗେଶ୍ୱର ଆଜି ଭିସି ଜରିଆରେ ଜିଲ୍ଲା ଦୌରାଜଜ କୋର୍ଟରେ ହାଜର ହେବେ । ଗତ କିଛିଦିନ ତଳେ ଫରେନସିକ୍ ଲାବରୁ ଦ୍ୱିତୀୟ ଡିଜିଟାଲ ଏଭିଡେନ୍ସ ସଂଗ୍ରହ କରିଥିଲା ଖଣ୍ଡଗିରି ଥାନା ପୋଲିସ । ଏଥିରେ ମୋବାଇଲ, ହାର୍ଡ ଡିସ୍କ ଓ ପେନଡ୍ରାଇଭର ତଥ୍ୟ ରହିଥିବା ସୂଚନା ମିଳିଥିଲା । ଆହୁରି ମଧ୍ୟ ଅର୍ଚ୍ଚନାଙ୍କ ସ୍ୱାମୀ ଜଗବନ୍ଧୁଙ୍କୁ ୪ ଦିନିଆ ରିମାଣ୍ଡରେ ନେଇ ପଚରାଉଚୁରା କରିଥିଲା ଇଡି । ରିମାଣ୍ଡ ସମୟରେ ଜଗବନ୍ଧୁଙ୍କୁ ଗୁଡାଇ ତୁଡାଇ ପ୍ରଶ୍ନ କରିବା ସହ ଅନେକ ତଥ୍ୟ କିଛି ହାସଲ କରିଛନ୍ତି ଇଡି ଅଧିକାରୀ ।
