ପ୍ରତିଷ୍ଠା ହେବ ବିଜୁ ପଟ୍ଟନାୟକ ଏରୋସ୍ପେଶ୍‌ ଏକାଡେମୀ, ବର୍ଷକୁ ବାହାରିବେ ୫୦୦ ଦକ୍ଷ ପାଇଲଟ

0 76

ଭୁବନେଶ୍ୱର, ୧୯ା୨(ଡିକେ ନ୍ୟୁଜ): ରାଜ୍ୟରେ ଦ୍ରୁତ ଶିଳ୍ପାୟନ ଓ ପର୍ଯ୍ୟଟନ କ୍ଷେତ୍ରର ବିକାଶ ଦୃଷ୍ଟିରୁ ବିମାନ ସେବାର ଗୁରୁତ୍ୱ ବୃଦ୍ଧି ପାଇଛି । ରାଜ୍ୟ ଭିତରେ ଓ ଆନ୍ତଃରାଜ୍ୟ ବିମାନ ଚଳାଚଳ ସହ ସମ୍ଭାବ୍ୟ ଗନ୍ତବ୍ୟସ୍ଥଳଗୁଡ଼ିକୁ ସଂଯୋଗ କରିବା ନେଇ ସରକାରୀ ସ୍ତରରେ କାର୍ଯ୍ୟ ·ଲିଛି । ଉଡ଼ାଣ ଯୋଜନାରୁ ଓଡ଼ିଶା ପାଇଁ ବିମାନ ସେବା କ୍ଷେତ୍ରରେ ଆବଶ୍ୟକ ·ହିଦା ପୂରଣ କରିବା ସକାଶେ ସାଧନ ଓ ଭିତ୍ତିଭୂମି ସୁଦୃଢ଼ କରିବାକୁ ଉଦ୍ୟମ ଜାରି ରହିଛି । ତେବେ ଏଥିପାଇଁ ଆବଶ୍ୟକ ମାନବସମ୍ବଳ ଉପଲବ୍ଧ କରାଇବାକୁ ପ୍ରାଥମିକତା ଦେଇଛନ୍ତି ରାଜ୍ୟ ସରକାର । ଆମ ରାଜ୍ୟରେ ବିମାନ ଚଳାଚଳ ସହିତ ବୈଷୟିକ ପ୍ରଶିକ୍ଷଣ କେନ୍ଦ୍ରର ଅଭାବ ରହିଛି । ବିମାନ ଚଳାଚଳ କ୍ଷେତ୍ର ଦ୍ରୁତ ଗତିରେ ଅଗ୍ରସର ହେଉଥିବା ବେଳେ ବୈଷୟିକ ବିକାଶ ସୁନିଶ୍ଚିତ କରିବା ଲକ୍ଷ୍ୟରେ ବିଜୁ ପଟ୍ଟନାୟକ ଏରୋସ୍ପେଶ ଏକାଡେମୀ ପ୍ରତିଷ୍ଠା ପାଇଁ ପରିକଳ୍ପନା କରାଯାଇଛି । ଏହାକୁ ଦୃଷ୍ଟିରେ ରଖି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ନାମରେ ଢେଙ୍କାନାଳ ଜିଲ୍ଲାର ବୀରାସାଲ ଠାରେ ଏକ ଏରୋସ୍ପେଶ୍‌ ଏକାଡେମୀ ପ୍ରତିଷ୍ଠା ପାଇଁ ଯୋଜନା ହୋଇଛି । ସେଠାରେ ବିମାନ ·ଳନାଠାରୁ ଆରମ୍ଭ କରି ଏରୋନଟିକାଲ ଇଞ୍ଜିନିୟରିଂ, ଏରୋ ସାଟେଲାଇଟ୍‌ ଓ ଏୟାର ହୋଷ୍ଟେସ୍‌ ପାଠ୍ୟକ୍ରମ ଆଦି ଆରମ୍ଭ କରାଯିବ । ଏଠାରୁ ବର୍ଷକୁ ୫୦୦ ପାଇଲଟ୍‌ ସୃଷ୍ଟି କରିବା ପାଇଁ ଲକ୍ଷ୍ୟ ରଖାଯାଇଛି । ପ୍ରାଥମିକ ପର୍ଯ୍ୟାୟରେ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ୫୫୦ କୋଟି ଟଙ୍କାର ବ୍ୟୟ ଅଟକଳ କରାଯାଇଛି । ଖୁବ୍‌ଶୀଘ୍ର ଏଥିପାଇଁ ଟେଣ୍ଡର ଆହ୍ୱାନ କରାଯିବ ବୋଲି ବିଭାଗ ପକ୍ଷର ଜଣାପଡ଼ିଛି । ସୂଚନାଯୋଗ୍ୟ, ରାଜ୍ୟର ୧୯ଟି ଏୟାରଷ୍ଟ୍ରିପ୍‌ ତଥା ଏୟାରପୋର୍ଟକୁ କେନ୍ଦ୍ର ସରକାର ଉଡ଼ାଣ ଯୋଜନାରେ ସାମିଲ କରିଛନ୍ତି । ସେଥିରୁ ଝାରସୁଗୁଡ଼ା, ଜୟପୁର ଏବଂ ରାଉରକେଲାରୁ ଯାତ୍ରୀ ସେବା ଆରମ୍ଭ ହୋଇଛି । ଆଗାମୀ ଦିନରେ ଗଞ୍ଜାମର ରଙ୍ଗେଇଲୁଣ୍ଡା ଏବଂ କଳାହାଣ୍ଡିର ଉତ୍‌କେଲାରୁ ବିମାନ ଉଡ଼ାଣ ଆରମ୍ଭ ହେବାକୁ ଯାଉଛି । ସେହିପରି ପର୍ଯ୍ୟଟନ ଓ ଧାର୍ମିକ ପୀଠ ଦୃଷ୍ଟିକୋଣରୁ ରାଜ୍ୟର ୪ଟି ଏୟାରଷ୍ଟ୍ରିପକୁ ଆରସିଏସ୍‌/ଉଡ଼ାନ୍‌ ବିଡିଂରେ ସାମିଲ କରି ଉଡ଼ାଣ ଆରମ୍ଭ ପାଇଁ ରାଜ୍ୟ ସରକାର କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟକୁ ପତ୍ର ଲେଖିଛନ୍ତି । ମୟୂରଭଞ୍ଜର ଅମର୍ଦ୍ଦାରୋଡ଼, ସମ୍ବଲପୁରର ଜମାଦାରପଲ୍ଲୀ, କୋଣାର୍କ ଓ ମାଲକାନଗିରି ଏୟାରଷ୍ଟ୍ରିପ୍‌କୁ ଏହି ଯୋଜନାରେ ସାମିଲ କରାଯିବା ସହ ଶିଳ୍ପ କରିଡରରେ ବିମାନ ଯୋଗାଯୋଗ ବ୍ୟବସ୍ଥା ପାଇଁ ରାୟଗଡ଼ା, ପାରାଦୀପ, ଧାମରା, କଳିଙ୍ଗନଗର ଏବଂ ଅନୁଗୋଳ ଏୟାରଷ୍ଟ୍ରିପ୍‌କୁ କାର୍ଯ୍ୟକ୍ଷମ କରାଇବା ପାଇଁ ରାଜ୍ୟ ସରକାର କେନ୍ଦ୍ରକୁ ପ୍ରସ୍ତାବ ଦେଇଛନ୍ତି । ପରିବହନ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି, ସମ୍ପ୍ରତି ବିମାନ ·ଳନା ପ୍ରଶିକ୍ଷଣ ପାଇଁ ବିରାସାଲ ଏୟାରଷ୍ଟ୍ରିପ୍‌ ବ୍ୟବହାର ହେଉଛି । ଭୁବନେଶ୍ୱର ଠାରୁ କମ୍‌ ଦୂରତାରେ ଏହା ଥିବାରୁ ଅନ୍ତର୍ଜାତୀୟ ବିମାନବନ୍ଦର ସହିତ ଏହାର ଉତ୍ତମ ସଂଯୋଗ ରହିଛି । ଏଣୁ ଗୋଟିଏ ଛାତ ତଳୁ ବିମାନ ସହିତ ଜଡ଼ିତ ବିଭିନ୍ନ କାର୍ଯ୍ୟରେ ଦକ୍ଷ ମାନବସମ୍ବଳ ସୃଷ୍ଟି ପାଇଁ ଏଠାରେ ଏରୋସ୍ପେଶ ଏକାଡେମୀ ପ୍ରତିଷ୍ଠା କରାଯିବାକୁ ଯୋଜନା କରାଯାଇଛି । ଏଠାରୁ ଉତ୍ତୀର୍ଣ୍ଣ ଶିକ୍ଷାର୍ଥୀମାନେ ଇସ୍ରୋ, ନାସା ଭଳି ସଂସ୍ଥାରେ କାର୍ଯ୍ୟ କରିବା ପାଇଁ ଯୋଗ୍ୟତା ଅର୍ଜନ କରିବେ । ସମୟ ସହିତ ତାଳ ଦେଇ ଆମକୁ ଏସବୁ ଦକ୍ଷତା ବିକାଶ ଉପରେ ଧ୍ୟାନ ଦେବାକୁ ହେବ । ଏହାର ପରି·ଳନା ଭାର ଖ୍ୟାତି ସମ୍ପନ୍ନ ସଂସ୍ଥା ଉପରେ ନ୍ୟସ୍ତ କରାଯିବ ବୋଲି ସେ କହିଛନ୍ତି । ବିରାସାଲ ଏୟାରଷ୍ଟ୍ରିପ୍ରର ପ୍ରଥମ ପର୍ଯ୍ୟାୟ ସମ୍ପ୍ରସାରଣ କାମ ଶେଷ ହୋଇଛି । ସମ୍ପ୍ରସାରଣ ପାଇଁ ୧୮୭.୭୭ ଏକର ଜମି ଚିହ୍ନଟ କରାଯାଇଛି ।

Leave A Reply

Your email address will not be published.