କଂଗ୍ରେସ ଦପ୍ତର ପହଂଚିଲେ ପାଇଲଟ୍, ଅନାଚକ ଗେହଲଟଙ୍କ କାର୍ଯ୍ୟକ୍ରମ ବାତିଲ୍ ହେଲା

ଜୟପୁର : ରାଜସ୍ଥାନ କଂଗ୍ରେସର ରାଜ୍ୟ ସଭାପତି ପଦରୁ ହଟାଯିବା ପରେ ଆଜି ପ୍ରଥମ ଥର ପାଇଁ ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ ଜୟପୁରରେ ରାଜ୍ୟ କଂଗ୍ରେସ କାର୍ଯ୍ୟାଳୟରେ ପହଞ୍ଚି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ମଧ୍ୟ ଯୋଗଦେବାର କାର୍ଯ୍ୟକ୍ରମ ଥିଲା । ରାଜସ୍ଥାନ ପ୍ରଦେଶ କଂଗ୍ରେସ କମିଟି ପକ୍ଷରୁ କୁହାଯାଇଛି ଯେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଏବଂ ନୂତନ ରାଜ୍ୟ ସଭାପତି ଗୋବିନ୍ଦ ସିଂ ଦୋଟାସରା ରାଜ୍ୟ କଂଗ୍ରେସ ମୁଖ୍ୟାଳୟରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାର ଥିଲା । କିନ୍ତୁ ଅଶୋକ ଗେହଲୋଟ୍ ପହଞ୍ଚି ନପାରିବାରୁ ତାଙ୍କ ସ୍ଥାନରେ ସଚିନ ପାଇଲଟ ରାଜ୍ୟ କଂଗ୍ରେସ କାର୍ଯ୍ୟାଳୟରେ ପହଞ୍ଚିଥିଲେ । ଏହି ଅବସରରେ ସଚିନ ପାଇଲଟ କହିଥିଲେ ଯେ ଆଜି ବିଜେପି କଂଗ୍ରେସମୁକ୍ତ ଭାରତ ବିଷୟରେ ଯାହା କହୁଛି ତାହା ତାଙ୍କର କେବଳ ଅହଂକାର । ସେମାନେ ରାଜୀବ ଗାନ୍ଧୀଙ୍କଠାରୁ ରାଜନୀତିର ସମ୍ଭ୍ରାନ୍ତ ଶିକ୍ଷା କରିବା ଉଚିତ୍ । ସେ କହିଛନ୍ତି ଯେ ଆଜି ଟେକ୍ନୋଲୋଜି ବିପ୍ଳବର ଶକ୍ତିରେ ଦେଶ ଆଗକୁ ବଢ଼ୁଛି । ଏହା ରାଜୀବ ଗାନ୍ଧୀଙ୍କ ଉପହାର । ଆଗାମୀ ଦିନରେ ରାଜୀବ ଗାନ୍ଧୀଙ୍କ ପ୍ରେରଣା ସହିତ ଦେଶର ଯୁବକମାନେ ଆଗକୁ ବଢ଼ିବେ । ଏହି ଅବସରରେ ରାଜ୍ୟ କଂଗ୍ରେସର ରାଜ୍ୟ ସଭାପତି ଗୋବିନ୍ଦ ସିଂ ଦୋଟାସରା କହିଛନ୍ତି ଯେ ରାଜୀବ ଗାନ୍ଧୀ ତାଙ୍କ ଦେଶରେ ସୂଚନା ବିପ୍ଳବ ଆରମ୍ଭ କରିଛନ୍ତି, ଯେଉଁଥିପାଇଁ ଆଜି ଦେଶ ନୂଆ ଉଚ୍ଚତାରେ ପହଞ୍ଚୁଛି ।

Leave a Reply

Your email address will not be published. Required fields are marked *