ମୁମ୍ବାଇ : ସୁଶାନ୍ତ ସିଂ ରାଜପୁତ ମାମଲାରେ ସୁପ୍ରିମକୋର୍ଟଙ୍କ ସବୁଜ ସଙ୍କେତ ପାଇବା ପରେ ସିବିଆଇ ଏହାର ତଦନ୍ତ ଆରମ୍ଭ କରିଛି । ସିବିଆଇର ୧୬ ଜଣିଆ ଟିମ୍ ଏହି ଘଟଣାର ତଦନ୍ତ ଆରମ୍ଭ କରିଛନ୍ତି । ଇଡି ପରେ ବର୍ତ୍ତମାନ ସିବିଆଇ ମଧ୍ୟ ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିୟାଙ୍କୁ ପଚରା ଉଚୁରା କରିପାରେ ବୋଲି ଜଣାପଡିଛି । ଏହି ମାମଲାରେ ସେ ମୁଖ୍ୟ ଅଭିଯୁକ୍ତ ବୋଲି ସୁଶାନ୍ତଙ୍କ ପରିବାର ଲୋକ ଅଭିଯୋଗ କରିଛନ୍ତି । ସିବିଆଇ ଟିମ୍ ରିୟାଙ୍କୁ ପଚରା ଉଚୁରା କରିବା ପାଇଁ ଯେକୌଣସି ସମୟରେ ଡକାଇପାରେ ବୋଲି ଜଣାପଡିଛି । ମୁମ୍ବାଇ ପୋଲିସ ସୁଶାନ୍ତ ମାମଲା ସହ ଜଡିତ ସମସ୍ତ ଦଲିଲ ଓ ପ୍ରମାଣକୁ ସିବିଆଇକୁ ହସ୍ତାନ୍ତର କରିଛି । ହସ୍ତାନ୍ତର କରାଯାଇଥିବା ଜିନିଷଗୁଡ଼ିକରେ ୫୬ ଜଣଙ୍କର ରେକର୍ଡ ହୋଇଥିବା ବିବୃତ୍ତି, ଫୋରେନସିକ୍ ରିପୋର୍ଟ, ଘଟଣାର ପଞ୍ଚନାମା ରିପୋର୍ଟ, ଶବ ବ୍ୟବଚ୍ଛେଦ ରିପୋର୍ଟ, ସୁଶାନ୍ତଙ୍କ ୩ଟି ମୋବାଇଲ୍, ଲାପଟପ୍, ଫାଶୀରେ ବ୍ୟବହୃତ ସବୁଜ କପଡା, ମୃତ୍ୟୁ ସମୟରେ ସୁଶାନ୍ତଙ୍କ ଦେହରେ ଥିବା ପୋଷାକ, ମୋବାଇଲର ଉଊଜ ବିଶ୍ଳେଷଣ, ବାନ୍ଦ୍ରା ପୋଲିସ୍ କେସ୍ ଡାଏରୀ, କମ୍ବଳ, ବେଡସିଟ୍, କପ୍, ଜୁସ ପିଇଥିବା ଗ୍ଲାସ, ପ୍ଲେଟ୍, ସିସିଟିଭି ଡିଭିଆର ଏବଂ କ୍ୟାମେରା ରେକର୍ଡିଂ, ମୃତ୍ୟୁ ସମୟରେ ସ୍ପଟ୍ ର ଫୋରେନସିକ୍ ରିପୋର୍ଟ, ଜୁନ୍ ୧୩-୧୪ ତାରିଖର ବିଲ୍ଡିଂର ସିସିଟିଭି ଫୁଟେଜ୍ ଅନ୍ତର୍ଭୁକ୍ତ ସିବିଆଇ ଟିମ ସୁଶାନ୍ତଙ୍କ ଡାଏରୀ ଏବଂ କେସ୍ ଡକ୍ୟୁମେଣ୍ଟକୁ ମଧ୍ୟ ଜବତ କରିଛି । ଏହି ଡାଏରୀଗୁଡିକ ସୁଶାନ୍ତଙ୍କ ବାନ୍ଦ୍ରା ଘର ଏବଂ ଲୋନାଭାଲା ଫାର୍ମହାଉସରୁ ଜବତ କରାଯାଇଛି । ସିବିଆଇର ଏସଆଇଟି ଟିମ୍ ବାନ୍ଦ୍ରାଙ୍କ ଡିସିପି ଅଭିଷେକ ତ୍ରିମୁକେଙ୍କୁ ଭେଟିଛନ୍ତି । ପ୍ରୋଟୋକଲ୍ ଅନୁଯାୟୀ ସୁଶାନ୍ତ ମାମଲାର ତଦନ୍ତ ବିଷୟରେ ଆଲୋଚନା କରିବାକୁ ପଡିବ ୟ ଏହି ବୈଠକରେ ସମସ୍ତ ସରକାରୀ ଦସ୍ତାବିଜ ସିବିଆଇକୁ ହସ୍ତାନ୍ତର କରାଯିବ ୟ ସିବିଆଇ ଏପର୍ଯ୍ୟନ୍ତ ସମସ୍ତ ତଥ୍ୟ, ଫୋରେନସିକ୍ ପ୍ରମାଣ, ପୋଷ୍ଟମର୍ଟମ ରିପୋର୍ଟ, ରେକର୍ଡ ହୋଇଥିବା ବିବୃତ୍ତି ମୁମ୍ବାଇ ପୋଲିସଠୁ ଗ୍ରହଣ କରିବ ।
