ଦେଶର ଆଉ ତିନିଟି ସ୍ଥାନରେ ସ୍ଥାପନ ହେବ ଏନଆଇଏର ଅତିରିକ୍ତ ଶାଖା

0 55

ନୂଆଦିଲ୍ଲୀ, : ଇମ୍ଫାଲ, ଚେତ୍ତାଇ ଏବଂ ରାଞ୍ଚିରେ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ର ତିନୋଟି ଅତିରିକ୍ତ ଶାଖା ପ୍ରତିଷ୍ଠା କରାଯିବ । ଏହାକୁ ଗୃହ ମନ୍ତ୍ରଣାଳୟ ଅନୁମୋଦନ କରିଛି । ଭବିଷ୍ୟତରେ କୌଣସି ବି ପ୍ରକାରର ପରିସ୍ଥିତିର ମୁକାବିଲା ପାଇଁ ମଣିପୁରର ସହର ଇମ୍ଫାଲ, ତାମିଲନାଡୁର ରାଜଧାନୀ ଚେନ୍ନାଇ ଏବଂ ଝାଡଖଣ୍ଡର ରାଜଧାନୀ ରାଞ୍ଚିରେ ତିନୋଟି ଅତିରିକ୍ତ ଏନଆଇଏ ଶାଖା ପ୍ରତିଷ୍ଠା କରାଯାଉଛି । ଏନଆଇଏ ପକ୍ଷରୁ ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ଏହି ନିଷ୍ପତ୍ତି ଦେଶର ପ୍ରମୁଖ ଜାତୀୟ ଅନୁସନ୍ଧାନ ଏଜେନ୍ସିକୁ ସମ୍ପୃକ୍ତ ରାଜ୍ୟରେ କୌଣସି ଅଘଟଣ ସମୟରେ ପରିସ୍ଥିତିକୁ ନିୟନ୍ତ୍ରଣ କରିବାରେ ସାହାଯ୍ୟ କରିବ । ଆତଙ୍କବାଦ ଏବଂ ଅନ୍ୟାନ୍ୟ ଜାତୀୟ ସୁରକ୍ଷା ସମ୍ବନ୍ଧୀୟ ଅନୁସନ୍ଧାନରେ ଏହା ଏନଆଇଏର ଦକ୍ଷତାକୁ ଦୃଢ କରିବ । ଏହା ମଧ୍ୟ ଏହିପରି ଅପରାଧ ସହ ଜଡିତ ଗୁରୁତ୍ୱପୂର୍ଣ୍ଣ ସୂଚନା ଏବଂ ପ୍ରମାଣ ସଂଗ୍ରହକୁ ସହଜ କରିବ । ବର୍ତ୍ତମାନ, ଏନଆଇଏର ୯ଟି ଶାଖା ଅଛି, ଯାହା ଗୁଆହାଟି, ମୁମ୍ବାଇ, ଜାମ୍ମୁ, କୋଲକାତା, ହାଇଦ୍ରାବାଦ, କୋଚି, ଲକ୍ଷେ୍ନø, ରାୟପୁର ଏବଂ ଚଣ୍ଡିଗଡ଼ରେ ଅବସ୍ଥିତ । ଏହା ବ୍ୟତୀତ ନୂଆଦିଲ୍ଲୀରେ ଏକ ସ୍ୱତନ୍ତ୍ର ତଥା ପ୍ରମୁଖ ଶାଖା ଅଛି ।

Leave A Reply

Your email address will not be published.