ନୂଆଦିଲ୍ଲୀ: ଆନ୍ଦୋଳନ କରିପାରିବାର ଅଧିକାର ସମସ୍ତଙ୍କର ରହିଛି । ଏହାର ଅର୍ଥ ନୁହେଁ ଆନ୍ଦୋଳନ ନାଁରେ ରାସ୍ତା ଘାଟ ବନ୍ଦ କରିବ । ଏକ ନିର୍ଦ୍ଦିଷ୍ଟ ସ୍ଥାନରେ ହିଁ ପ୍ରତିବାଦ କରିହେବ । ନାଗରିକକା ସଂଶୋଧନ ଆଇନକୁ ବିରୋଧ କରି ଦିଲ୍ଲୀ ଶାହିନବାଗରେ ହୋଇଥିବା ଆନ୍ଦୋଳନ ମାମଲାରେ ଶୁଣାଣି କରି ସୁପ୍ରିମକୋର୍ଟ ବୁଧବାର ଏଭଳି ରାୟ ଶୁଣାଣି କରିଛନ୍ତି । ଜଷ୍ଟିସ ସଞ୍ଜୟ କିଶାନ କୌଲଙ୍କ ନେତୃତ୍ୱାଧୀନ ତିନି ଜଣିଆ ଖଣ୍ଡପୀଠ ଏହି ରାୟ ଶୁଣାଣି କରିଛନ୍ତି । ଅନ୍ୟ ଦୁଇ ଜଣ ବି·ରପତି ହେଲେ ଜଷ୍ଟିସ ଅନିରୁଦ୍ଧ ବୋଶ ଏବଂ ଜଷ୍ଟିସ କୃଷ୍ଣ ମୁରାଇ । ରାସ୍ତାରେ କିମ୍ବା ସର୍ବସାଧାରଣ ସ୍ଥାନରେ ଆନ୍ଦୋଳନ କରିବା ବେଳେ ଲୋକମାନେ ଯତ୍ନବାନ ହେବା ଉଚିତ୍ । ବିରୋଧର ମଧ୍ୟ ସୀମା ଅଛି । ସର୍ବସାଧାରଣ ସ୍ଥାନଗୁଡିକ ପିକେଟିଂ ପ୍ରଦର୍ଶନ ପାଇଁ କର୍ଡନ କରାଯିବା ଉଚିତ ନୁହେଁ । ଏହା ଲୋକଙ୍କୁ ସମସ୍ୟାରେ ପକାଉଛି ବୋଲି କୋର୍ଟ କହିଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ବିରୋଧ କରିବାର ଅଧିକାର କେବଳ ନିର୍ଦ୍ଦିଷ୍ଟ ଅଞ୍ଚଳରେ ଅଛି । ଯାତାୟାତର ଅଧିକାର ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହୋଇପାରିବ ନାହିଁ । ଶାହିନ୍ବାଗରେ ମଧ୍ୟସ୍ଥତା ଉଦ୍ୟମ ସଫଳ ହୋଇ ନାହିଁ, କିନ୍ତୁ ଆମେ ଏହାକୁ ନେଇ ଅନୁତାପ କରୁନାହୁଁ । ସର୍ବସାଧାରଣ ସଭାଗୁଡ଼ିକ ଉପରେ ପ୍ରତିବନ୍ଧକ ଲଗାଯାଇପାରିବ ନାହିଁ, କିନ୍ତୁ ନିର୍ଦ୍ଦିଷ୍ଟ ଅଞ୍ଚଳରେ ପ୍ରତିବାଦ ହେବା ଆବଶ୍ୟକ । ସମ୍ବିଧାନ ବିରୋଧ କରିବାର ଅଧିକାର ଦେଇଥାଏ, କିନ୍ତୁ ଏହାକୁ ସମାନ କର୍ତ୍ତବ୍ୟ ସହିତ ମିଶ୍ରଣ କରାଯିବା ଉଚିତ୍ । ବିରୋଧ କରିବାର ଅଧିକାର ଟ୍ରାଫିକ ଅଧିକାର ସହିତ ସନ୍ତୁଳିତ ହେବା ଆବଶ୍ୟକ । ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି ଯେ ପ୍ରଶାସନ ଏଭଳି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ କୋର୍ଟଙ୍କ ଆଦେଶକୁ ଅପେକ୍ଷା କରିବା ଉଚିତ ନୁହେଁ ।
