ବ୍ରାଜିଲ, ୧୩ ।୪: ଯୀଶୁଙ୍କର ସର୍ବବୃହତ୍ ପ୍ରତିମୂର୍ତ୍ତି ବ୍ରାଜିଲରେ ନିର୍ମାଣ କରାଯାଉଛି । ରିଓ ଗ୍ରାଣ୍ଡେ ଡୋ ସୁଲ୍ ରାଜ୍ୟର ଏନକାଣ୍ଟାଡୋରେ ୨୦୧୯ରେ ଆରମ୍ଭ ହୋଇଥିବା ଏହି ପ୍ରତିମୂର୍ତ୍ତିର ଉଚ୍ଚତା ପ୍ରାୟ ୧୪୧ ଫୁଟ (ପ୍ରାୟ ୪୩ ମିଟର) । ଥରେ ଏହି ପ୍ରତିମୂର୍ତ୍ତି ନିର୍ମାଣ ହେବା ପରେ ଏହା ରିଓ ଡି ଜେନେରିଓର ରିଓ ଡି ଜେନେରିଓ ଖ୍ରୀଷ୍ଟଙ୍କ ମୁକ୍ତିଦାତା ଷ୍ଟାଚ୍ୟୁକୁ ପଛରେ ପକାଇବ ଯାହାର ଉଚ୍ଚତା ୩୮ ମିଟର ଅଟେ । ପ୍ରତିମୂର୍ତ୍ତିର ଗୋଟିଏ ହାତରୁ ଅନ୍ୟ ହାତର ଲମ୍ବ ପ୍ରାୟ ୧୧୮ ଫୁଟ । ପ୍ରତିମୂର୍ତ୍ତିର ମଝିରେ ଏକ ଗ୍ଲାସ୍ ଝରକା ଦିଆଯିବ ଯେଉଁବାଟ ଦେଇ ବାହାର ଦୃଶ୍ୟ ଦେଖିହେବ । ଏଥିରେ ଏକ ଷ୍ଟିଲ୍ ଫ୍ରେମ୍ ବ୍ୟବହାର କରାଯାଉଛି ଯେଉଁଥିରେ ୧୭,୬୦୦ ଘନଫୁଟରୁ ଅଧିକ କଙ୍କ୍ରିଟ୍ ମଧ୍ୟ ବ୍ୟବହାର କରାଯିବ । ଗଣମାଧ୍ୟମ ରିପୋର୍ଟ ଅନୁଯାୟୀ ମୂର୍ତ୍ତିର ମୁଣ୍ଡର ଓଜନ ପ୍ରାୟ ୪୦ ଜଣଙ୍କର ଓଜନ ହେବ । ଯାହାକୁ ତିଆରି କରିବାକୁ ପ୍ରାୟ ୩ ମାସ ସମୟ ଲାଗିବ । ଏହି ପ୍ରତିମୂର୍ତ୍ତିକୁ ସ୍ଥାନୀୟ ପୁରୋହିତ ଡିଜାଇନ କରିଛନ୍ତି । ଏହି ପ୍ରତିମୂର୍ତ୍ତି ଚଳିତ ବର୍ଷ ଶେଷ ସୁଦ୍ଧା ନିର୍ମାଣ ହେବ । ଏହି ସପ୍ତାହରେ ପ୍ରତିମୂର୍ତ୍ତିରେ ମୁଣ୍ଡ ଏବଂ ଉଭୟ ବାହୁ ଯୋଗ କରାଯାଇଛି । ଏହି ପ୍ରତିମୂର୍ତ୍ତିରେ ଏକ ଲିଫ୍ଟ ମଧ୍ୟ ସ୍ଥାପନ କରାଯିବ । ଏହାସହ ମୂର୍ତ୍ତିର ଶୀର୍ଷରେ ଏକ ପର୍ଯ୍ୟବେକ୍ଷଣ ଡେକ୍ ରହିବ ।
