ବେଗୁସରାୟ, ୧୪ା୮: କେନ୍ଦ୍ର ଗ୍ରାମୀଣ ବିକାଶ ତଥା ପଞ୍ଚାୟତ ରାଜମନ୍ତ୍ରୀ ଗିରିରାଜ ସିଂ ସ୍ୱାଧୀନତାର ଅମୃତ ମହୋତ୍ସବରେ ରବିବାର ଦିନ ବେଗୁସରାଇରେ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତି ସମ୍ମୁଖରେ ପତାକା ଉତ୍ତୋଳନ କରିବା ପରେ ଦଶ ଜଣ ସ୍ୱାଧିନତା ସଂଗ୍ରାମୀ ପରିବାରକୁ ସମ୍ମାନିତ କରିଥିଲେ । ଏହି କାର୍ଯ୍ୟକ୍ରମକୁ ସମ୍ବୋଧିତ କରି ଗିରିରାଜ ସିଂ କହିଛନ୍ତି ଯେ, ଭାରତକୁ ପୁଣି ଥରେ ବିଭାଜନ କରିବାର ଷଡ଼ଯନ୍ତ୍ର ରହିଛି । କିନ୍ତୁ ଆମେ ସମସ୍ତେ ଏହା ଘଟିବାକୁ ଦେବୁ ନାହିଁ ଏବଂ ଅଖଣ୍ଡ ଭାରତର ସଂକଳ୍ପ ପୂରଣ ହେବ । ବନ୍ଦେ ମାତରମ୍ ଏକ ଶବ୍ଦ ନୁହେଁ, ଏହା ଏକ ସ୍ୱାଧୀନତାର ମନ୍ତ୍ର । ଆଜି ଆମେ ସମସ୍ତେ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତି ସମ୍ମୁଖରେ ପତାକା ଉତ୍ତୋଳନ କରି ଏକ ପ୍ରତିଶ୍ରୁତି ନେଇଛୁ ଯେ, ଡିସେମ୍ବର ୩୧, ୧୯୪୩ରେ ପୋର୍ଟବ୍ଲେୟାରରେ ନେତାଜୀ ବୋଷଙ୍କ ଦ୍ୱାରା ଉଠାଯାଇଥିବା ଅଖଣ୍ଡ ଭାରତର ପତାକା ଅକ୍ଷୁର୍ଣ୍ଣ ରହିବ । ଭାରତ, ୧୪ ଅଗଷ୍ଟରେ କଳା ଦିବସ ଭାବରେ ପାଳନ କରିବା ଜାରି ରଖିବ । ଆମର ପିତୃପୁରୁଷଙ୍କ ବଳିଦାନ ବୃଥା ହେବ ନାହିଁ । ଆମେ ସ୍ୱାଧୀନତା ପୂର୍ବ ଭାରତ ଗଠନ କରିବୁ ।
