ନୂଆଦିଲ୍ଲୀ: ଗ୍ଲୋବାଲ ରେଟିଂ ଏଜେନ୍ସି ଏସ୍ଆଣ୍ଡପି ଭାରତର ଆର୍ଥିକ ଅଭିବୃଦ୍ଧି ସମ୍ଭାବନା ମଧ୍ୟମ ଅବଧିରେ ମଜଭୁତ ରହିବା ନେଇ ଅନୁମାନ କରିଛି । ଏଜେନ୍ସି ପକ୍ଷରୁ ଗୁରୁବାର କୁହାଯାଇଛି ଯେ ଆର୍ଥିକ ବର୍ଷ ୨୦୨୩-୨୪ରୁ ୨୦୨୫- ୨୬ ଯାଏ ଦେଶର ଘରୋଇ ସକଳ ଉତ୍ପାଦ (ଜିଡିପି)ରେ ବାର୍ଷିକ ୬-୭.୧ ପ୍ରତିଶତ ବୃଦ୍ଧି ହେବ । ଏସ୍ଆଣ୍ଡପି ଗ୍ଲୋବାଲ୍ସ ରେଟିଙ୍ଗ୍ସ ନିଜ ରିପୋର୍ଟରେ କହିଛି ଯେ ସଠିକ୍ କର୍ପୋରେଟ୍ ଆକାଉଣ୍ଟ ଓ ଅନ୍ୟ ସଂରଚନାତ୍ମକ ସୁଧାର ଯୋଗୁଁ ଫସି ରହିଥିବା ବ୍ୟାଙ୍କ ଋଣ ୨୦୨୫ ଯାଏ ମୋଟ ଅଗ୍ରୀମର ୩-୩.୫ ପ୍ରତିଶତ କମ ହେବ । ଏହାସହ ଭାରତରେ ସୁଧବାରରେ ଉଲ୍ଲେଖନୀୟ ବୃଦ୍ଧିର ସମ୍ଭାବନା ନଥିବା ଯୋଗୁଁ ବ୍ୟାଙ୍କିଂ ଉଦ୍ୟୋଗ ପାଇଁ ବିପଦ ମଧ୍ୟ ସୀମିତ ରହିବା ଅନୁମାନ କରାଯାଇଛି । ରିପୋର୍ଟ ଅନୁସାରେ ବୈଶ୍ୱିକ ଅନିଶ୍ଚିତାର ଭାରତୀୟ ଅର୍ଥବ୍ୟବସ୍ଥା ଉପରେ ପ୍ରଭାବ କମ ରହିବ । ତେବେ ମନ୍ଥର ବୈଶ୍ୱିକ ଅଭିବୃଦ୍ଧି ଓ ବାହାର ଚାହିଦା ଆର୍ଥିକ ଗତିବିଧି ଉପରେ ପ୍ରଭାବ ପକାଇବ ଓ ମୁଦ୍ରାସ୍ଫୀତିକୁ ଗତି ଦେଇପାରେ । କିନ୍ତୁ ଭାରତର ବୃଦ୍ଧି ଘରୋଇ ସ୍ତରରେ ଉପରେ କେନ୍ଦ୍ରୀତ ଥିବାରୁ ଆର୍ଥିକ ବୃଦ୍ଧି ଉପରେ ଏହାର ପ୍ରଭାବ କମ ରହିବା ନେଇ ଅନୁମାନ । ଉଲ୍ଲେଖଯୋଗ୍ୟ ଯେ ଏପ୍ରିଲ୍-ଜୁନ ତ୍ରୈମାସରେ ଭାରତର ବାସ୍ତବିକ ସକଳ ଘରୋଇ ଉତ୍ପାଦ ବାର୍ଷିକ ଆଧାରରେ ୭.୮ ପ୍ରତିଶତ ବଢିଛି । ଜାନୁଆରୀ-ମାର୍ଚ୍ଚ ତ୍ରୈମାସରେ ଆର୍ଥିକ ବୃଦ୍ଧି ହାର ୬.୧ ପ୍ରତିଶତ ରହିଥିଲା । ଆରବିଆଇ ଚଳିତ ଆର୍ଥିକ ବର୍ଷ ୨୦୨୩-୨୪ ଓ ଏହାପରେ ୨୦୨୪-୨୫ ପାଇଁ ୬.୫ ପ୍ରତିଶତରେ ବୃଦ୍ଧି ଅନୁମାନ କରିଛି ।
